សួរផ្ទាល់ មានកត្តាធំៗ ៣ ជំរុញឲ្យអ្នកប្រើបោះបង់ iPhone មកស្រវ៉ាយក Android

2018-08-24 13:47:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រភពពី PCMag បានចុះសម្រង់មតិអតិថិជនអ្នកប្រើប្រាស់ ២ ៥០០ នាក់ជុំវិញបទពិសោធន៍និងមូលហេតុនៃការផ្លាស់ប្ដូរពីឧបករណ៍ប្រព័ន្ធប្រតិបត្តិមួយទៅប្រព័ន្ធប្រតិបត្តិថ្មីមួយទៀត។ ក្នុងចំនួនសាកសួរសរុបមាន ១៨ ភាគរយឆ្លើយថាខ្លួនបានបញ្ឈប់ការប្រើ Android ងាកមកប្រើ iOS ខណៈ ១១ ភាគរយបោះបង់ iOS ប្តូរទៅ Android ពោលគឺ ៧១ ភាគរយសេសសល់ស្ម័គ្រស្មោះឈរលើ OS តែមួយ។

ចម្លើយពីអ្នកប្តូរទៅប្រើ iOS ដោយ ៤៧ ភាគរយគិតថាអាចទទួលបានបទពិសោធន៍ប្រើប្រាស់ថ្មី ២៥ ភាគរយពឹងផ្អែកលើមុខងារពិសេសៗនៃឧបករណ៍របស់ Appleស្របពេល ១១ ភាគរយគិតទៅលើតម្លៃ។

យ៉ាងណាមិញកត្តាទាំង ៣ ធំៗនេះក៏ពុំខុសពីមតិរបស់អ្នកផ្លាស់ទៅប្រើ Android ដោយកត្តាតម្លៃឈរនៅហេតុផលចម្បងទីពីរមាន ២៩ ភាគរយ ព្រោះជាទូទៅតម្លៃទូរសព្ទ iPhone រមែងថ្លៃខ្ពស់ជាងច្រើនធៀបនឹង Android ស្របពេលមូលហេតុចម្បងមាន ៣០ ភាគរយក៏គិតថាការប្តូរទៅសាកល្បងប្រើ Android អាចផ្តល់បទពិសោធន៍ថ្មីដល់ខ្លួន ធៀបនឹង ២៤ ភាគរយ ដែលថាមុខងារពិសេសជាកត្តាជួយឲ្យមានការសម្រេចចិត្ត។

យ៉ាងណាមិញសរុបតួលេខទាំង ២ ៥០០ នាក់ មាន ៥៤ ភាគរយប្រើប្រាស់ទូរសព្ទ iPhone ច្រើនជាងពាក់កណ្តាលធៀបនឹងអ្នកប្រើប្រាស់ស្លាកយីហោ SAMSUNG និងសល់ប៉ុន្មានផ្តោតលើម៉ូឌែល Android ដទៃ។