រំភើបទាំងព្រឹក! មេដាយកម្រិតពិភពលោក បានមកលើកម្ពុជា១គ្រឿងទៀតហើយ

2018-08-27 01:37:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមសម្ដែងជាក្រុមរបស់កម្ពុជា យកបានមេដាយសំរឹទ្ធមួយគ្រឿងទៀតហើយ ក្នុងការប្រកួតតេក្វាន់ដូ ITF កម្រិតពិភពលោក ក្នុងប្រទេសបេឡារូស។

ការប្រកួតសម្ដែងជាក្រុមនេះ គឺជាវិញ្ញាសាចុងក្រោយរបស់កម្ពុជា ហើយយុវជនរបស់កម្ពុជាពិតជាធ្វើបានល្អមែន ដោយទទួលបានចំណាត់ថ្នាក់លេខ៣ក្នុងចំណោមប្រទេសចូលរួមវិញ្ញាសានេះ១៣ប្រទេស។ ដោយការប្រកួតនេះ កម្ពុជាចាញ់តែរុស្ស៊ី និងប្រទេសម្ចាស់ក្បាច់គុនកូរ៉េខាងជើងតែប៉ុណ្ណោះ។ ដោយសរុបជាមេដាយទៅ ក្នុងព្រឹត្តិការណ៍កម្រិតពិភពលោកខាងលើ កម្ពុជាដណ្ដើមបានមេដាយ២គ្រឿងដែរ គឺសំរឹទ្ធមួយគ្រឿង និងប្រាក់មួយគ្រឿង។

នេះជាការជោគជ័យមួយជំហានទៀតរបស់កម្ពុជា តាមប្រភេទកីឡានានា ដែលចេញទៅប្រកួតនៅក្រៅស្រុក។ ស្របពេលដែលនៅ Asian Game វិញឯណោះ កម្ពុជាទទួលបានមេដាយមាស២គ្រឿងហើយ ដែលនេះជាការបំបែកកំណត់ត្រាប្រវត្តិសាស្ត្រ៦៤ឆ្នាំកម្ពុជា នៅព្រឹត្តិការណ៍នេះ៕

អត្ថបទ៖ មុន្នីរម្យ