យក OnePlus 6 សាកកម្លាំង POCO F1 បានលទ្ធផលគួរឲ្យភ្ញាក់ផ្អើល

2018-08-27 04:45:05
ចំនួនមតិ 0 | ចំនួនចែករំលែក 0

ចន្លោះមិនឃើញ

POCO F1 ជាស្មាតហ្វូនដែលកំពុងទទួលបានការចាប់អារម្មណ៍ខ្លាំង ដោយសារជាស្មាតហ្វូនដែលមានលក្ខណៈសម្បត្តិខ្លាំង និងមានតម្លៃធូរថ្លៃជាងគេបំផុត។ ចំណែក OnePlus 6 ក៏ជាស្មាតហ្វូនកំពូលដែលមានតម្លៃធូរថ្លៃមួយដែរ។

ហេតុនេះហើយទើបគេបង្កើតការតេស្តល្បឿននៃការបើកកម្មវិធីលើស្មាតហ្វូនទាំងពីរ ដោយចង់ដឹងថាមួយណាដំណើរការលឿនជាង?

POCO F1 ដែលគេបានយកមកធ្វើតេស្តក្នុងវីដេអូគឺមានបំពាក់បន្ទះឈីប Snapdragon 845, RAM ទំហំ ៨ GB និងមានតម្លៃខ្ទង់ ៤១០ ដុល្លារ នៅលើទីផ្សារប្រទេសឥណ្ឌា។ ចំណែក OnePlus 6 ប្រើឈីប Snapdragon 845, RAM ទំហំ ៨ GB និងមានតម្លៃ ៥៧៩ ដុល្លារលើទីផ្សារបរទេស។ ស្មាតហ្វូនទាំងពីរប្រើប្រាស់ប្រព័ន្ធប្រតិបត្តិការ Android 8.1 Oreo ដូចគ្នា។

ការធ្វើតេស្តមានចំនួនពីរជុំ ដោយជុំទីមួយ POCO F1 បញ្ចប់ការបើកកម្មវិធីទាំងអស់មុន OnePlus 6 ប្រមាណ ២ វិនាទី ពោលប្រើពេល ១ នាទី ៣៣ វិនាទី។ នៅជុំទីពីរស្មាតហ្វូនទាំងប្រកៀកប្រកិតគ្នា ដោយបញ្ចប់ការតេស្តក្នុងពេលដំណាលគ្នា។

លទ្ធផលនេះបង្ហាញថា POCO F1 ជាជម្រើសប្រសើរជាង OnePlus 6 សម្រាប់អ្នកប្រើប្រាស់ណាដែលចង់បានស្មាតហ្វូនកម្លាំងខ្លាំងប៉ុន្តែមិនចង់ចំណាយថវិកាច្រើន។ យ៉ាងណាក្ដី OnePlus 6 ក៏មានចំណុចដទៃទៀតដែលលេចធ្លោជាង POCO F1 ដូចជាការរចនារូបរាងប្រើប្រាស់វត្ថុធាតុកម្រិត Premium និងមានកាមេរ៉ាកម្រិត Flagship ជាដើម៕

ប្រភព៖ YouTube ប្រែសម្រួល៖ សុខហេង