ប៉ះ Spurs យប់នេះ Mourinho សំណូមពរឲ្យ Fan បន្តលើកទឹកចិត្តក្រុម

2018-08-27 07:48:41
ចំនួនមតិ 0 | ចំនួនចែករំលែក 0

ចន្លោះមិនឃើញ

Jose Mourinho ចង់ឲ្យក្លឹប Manchester United មានការជំរុញទឹកចិត្តពីអ្នកគាំទ្រស្ម័គ្រស្មោះ ត្បិតកាលពីសប្ដាហ៍មុនចាញ់ Brighton & Hove Albion ២ទល់នឹង១។

រាត្រីម៉ោង២រំលងអាធ្រាត្រនេះ ក្លឹបបិសាចក្រហមត្រូវទទួលស្វាគមន៍ Tottenham Hotspur ប្រកួតបង្គ្រប់សប្ដាហ៍ទី៣ Premier League។ Spurs ឆ្លងកាត់២ប្រកួតកន្លងទៅមិនទាន់ស្គាល់ពាក្យថាចាញ់ទេ ខណៈ Man Utd ឈ្នះ១ ចាញ់១។

បរាជ័យចុងក្រោយដោយសារ Brighton អ្នកគាំទ្ររបស់ Man Utd ទាំងមូលហាក់មិនសប្បាយចិត្តនឹងលទ្ធផលនេះសោះ។ មុនការប្រកួតយប់នេះមកដល់ Mourinho បាននិយាយថា៖ "លេងទល់នឹង Leicester សប្ដាហ៍ដំបូង យើងអាចនិយាយបានថាស្ថានភាពគឺធម្មតា ព្រោះក្រុមលេងល្អនិងឈ្នះ។ ប៉ុន្តែពេលប៉ះ Brighton ពួកយើងលេងមិនបានល្អនិងចាញ់ការប្រកួត។ វាបានធ្វើឲ្យអ្នកគាំទ្រមានអារម្មណ៍មិនសប្បាយចិត្ត។ ខ្ញុំគិតថា កីឡាករទាំងអស់មានអារម្មណ៍បែបនេះដូចគ្នា"។

អ្នកចាត់ការសញ្ជាតិព័រទុយហ្គាល់បន្តថា អ្នកគាំទ្រពិតជាអស្ចារ្យសម្រាប់២ប្រកួតកន្លងទៅ។ ក្នុងអាជីពលោកមិនដែលអាត្មានិយមនិងគិតតែពីខ្លួនឯងទេ។ លោកតែងតែជាបុរសម្នាក់សម្រាប់ក្លឹប។ លោករីករាយ ពេលដែលអ្នកគាំទ្រមកលើកទឹកចិត្តក្រុម៕