ដួង ហ្សូលីដា ចាប់បានភិនភាគចោរលួចផ្លាកលេខឡានទាំងមុខ និងក្រោយ
- 2018-08-28 04:37:39
- ចំនួនមតិ 0 | ចំនួនចែករំលែក 0
ដួង ហ្សូលីដា ចាប់បានភិនភាគចោរលួចផ្លាកលេខឡានទាំងមុខ និងក្រោយ
ចន្លោះមិនឃើញ
កញ្ញា ដួង ហ្សូលីដា ជួបរឿងក្ដៅក្រហាយ ដោយសារតែចោរបានលួចយកស្លាកលេខរថយន្តទាំងមុខនិងក្រោយ របស់ខ្លួនបានដោយគ្មានញញើត កាលពីវេលាម៉ោង ២ :១៥ នាទី ភ្លឺ នៅថ្ងៃនេះ នៅពេលរូបនាងបានចតរថយន្តនៅមុខហាងរបស់ខ្លួន តាមបណ្ដោយផ្លូវទេពផន ក្នុងសង្កាត់ទឹកល្អក់៣។
ផ្អែកតាមកាមេរ៉ាសុវត្ថិភាព កញ្ញា ដួង ហ្សូលីដា បានកំណត់ភិនភាគចោរបានយ៉ាងច្បាស់ ដោយបុរសនោះពាក់អាវស ស្លៀកខោខ្លីពណ៌ស ជិះរឺម៉ក់កង់បីឥណ្ឌាមកធ្វើសកម្មភាព ដោះស្លាកលេខរថយន្តរបស់ខ្លួនបានទាំងមុខ និងក្រោយតែម្តង។
កញ្ញា ហ្សូលីដា បានសរសេរលើបណ្តាញសង្គមរបស់ខ្លួនថា ៖ "អស់សំណើច និងហួសចិត្តទាំងព្រឹកនឹងលោកចោរ...! កញ្ចក់ឡាន អីមិនលួច មកលួចដោះស្លាកឡានទាំងមុខនិងក្រោយយកទៅបាត់ធ្វើព្រងើយ ...! អាសូរតែស្លាកឡានខ្ញុំនឹងលេខការ៉េ លេខហុងស៊ុយ លេខថ្លៃៗអីទៅមិនថាទេ លោកព្រះអើយ ?និយាយពីលេខអោយធម្មតាអោយសុទ្ធ គ្រាន់តែជាលេខកម្មង់ដែលជាតួលេខនៃភាពចងចាំរបស់ខ្ញុំតើ មើលមិនឃើញថាហេតុអ្វីគាត់ត្រូវមកលួច ហើយជំនាញខ្លាំងមែនទែន មើលតែក្នុងវីដេអូកាមេរ៉ាឃើញច្បាស់ហើយ ៕
សូមបងប្អូនប្រុងប្រយ័ត្នទាំងអស់គ្នា ស្លាកឡាននាងខ្ញូំ 2AM-2113 ត្រូវបានចោរលួចយប់មិញវេលាម៉ោង 2.15 នាទីភ្លឺនេះ ដោយបុរសម្នាក់ពាក់ខោសខ្លី និង អាវសជិះម៉ូតូរឺម៉កឥណ្ឌាកង់បីដូចក្នុងរូបនេះ ។ បើមានករណីឡានផ្សេងពាក់ស្លាកនេះ (2AM-2113) មិនមែនជាឡាន MG-GS2.0 ពណ៌ខ្មៅរបស់នាងខ្ញុំ យកទៅបង្កបញ្ហាណាមួយប៉ះពាល់ដល់អ្នកដទៃ នាងខ្ញុំមិនទទួលខុសត្រូវឡើយ។
ចាំមើលលោកពូប៉ូលិសក្នុងសង្កាត់ទឹកល្អក់3យើងនេះ លោកអាចធ្វើការងារស្វែងរកជនដៃដល់ឃើញអត់ ? ផ្លូវទេពផននេះ និយាយពីរឿងចោរឆក់ ចោរលួចវិញ ដូចជាល្បីខ្លាំងគួរសមដែរ តាំងពីមកបើកហាងបានជាង៣ឆ្នាំនៅទឹកដីនេះ ហើយក៍ធ្លាប់ជួយសង្គ្រោះជនរងគ្រោះច្រើនករណីហើយដោយសារចោរឆក់តាមផ្លូវ និងអ្នកជិតខាងមកសុំអោយបើកកាមេរ៉ាមើលករណីបាត់ម៉ូតូ "។
រូបភាព៖ FB Doung Zolida