ភូមិនៅនូវែលសេឡង់ ហាមឃាត់ការចិញ្ចឹមឆ្មាដាច់ខាត ព្រោះហេតុផល១

2018-08-30 01:50:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ភូមិតូចមួយនៅភាគខាងត្បូងឆ្នេរនៃប្រទេសនូវែលសេឡង់ កំពុងរៀបចំគម្រោងហាមឃាត់ការចិញ្ចឹមសត្វឆ្មាទាំងអស់នៅតាមផ្ទះនីមួយៗ។

ក្រោមការផ្ដួចផ្ដើម និងស្នើសុំដោយអង្គការ Environment Southland ម្ចាស់ឆ្មាទាំងអស់ក្នុងភូមិ Omaui ត្រូវចុះបញ្ជីសត្វចិញ្ចឹមរបស់ខ្លួនជាមួយអាជ្ញាធរ។ ក្រោយពេលដែលសត្វចិញ្ចឹមរបស់ពួកគេងាប់ នោះម្ចាស់ទាំងអស់ នឹងមិនត្រូវបានអនុញ្ញាតឲ្យចិញ្ចឹមសត្វថ្មីទៀតនោះទេ។ ការធ្វើដូចនេះ ស្ដាប់ទៅហាក់ដូចជាឃោរឃៅខ្លាំងណាស់សម្រាប់សត្វឆ្មា ប៉ុន្តែយោងតាមអាជ្ញាធរឲ្យដឹងថា សត្វឆ្មាបានសម្លាប់បក្សី និងថនិកសត្វរាប់ពាន់លានក្បាលក្នុងមួយឆ្នាំៗ។ ដូច្នេះដើម្បីការពារសត្វបក្សី, សត្វល្អិត និងសត្វល្មូនក្នុងតំបន់ យុទ្ធនាការនេះត្រូវបានដាក់ចេញហើយអនុវត្តចំពោះប្រជាជនទាំងអស់។

ជាមួយគ្នាដែរ ប្រសិនបើនរណាម្នាក់មិនអនុលោមទៅតាមច្បាប់នេះ នឹងត្រូវទទួលការជូនដំណឹង និងព្រមមានពីអាជ្ញាធរ ឬក្នុងករណីណែនាំមិនស្ដាប់ អាជ្ញាធរមានសិទ្ធិក្នុងការដកហូតសត្វឆ្មាទាំងនោះទៀតផង៕