Ronaldo និងមេ Real នឹងជួបគ្នាផ្ទាល់ជាលើកដំបូង ក្រោយចែកផ្លូវគ្នាបានមួយរយៈ
- 2018-08-30 13:53:29
- ចំនួនមតិ 0 | ចំនួនចែករំលែក 0
Ronaldo និងមេ Real នឹងជួបគ្នាផ្ទាល់ជាលើកដំបូង ក្រោយចែកផ្លូវគ្នាបានមួយរយៈ
ចន្លោះមិនឃើញ
ខ្សែប្រយុទ្ធ Cristiano Ronaldo និង ប្រធានក្លឹប Real Madrid លោក Florentino Perez នឹងជួបគ្នាផ្ទាល់ជាលើកដំបូង នៅវេលាយប់នេះ (ម៉ោងនៅកម្ពុជា)។
អ្នកទាំងពីរនឹងជួបគ្នា ក្នុងពិធីចាប់ឆ្នោត Champions League និងពិធីប្រកាសរង្វាន់កីឡាករឆ្នើមប្រចាំឆ្នាំ ដែលនឹងប្រព្រឹត្តិទៅនៅលើទឹកដី Monaco។
កាលពីខែកក្កដាកន្លងទៅ នៅពេលដែលកីឡាករ Ronaldo បានទៅចូលរួមជាមួយក្លឹប Juventus កីឡាករព័រទុយហ្គាល់បានធ្វើការលាគ្នា ជាមួយលោក Perez តាមរយៈការផ្ញើសារទូរស័ព្ទ។
បើទោះជាស៊ុតចូលដល់ទៅ ៤៥០ គ្រាប់ ក្នុងការប្រកួត ៤៣៨ លើកឲ្យ Real Madrid និងជួយក្លឹបឲ្យឈ្នះពានធំៗជាច្រើន ខ្សែប្រយុទ្ធ Ronaldo មិនទទួលបានការធ្វើសន្និសីទសារព័ត៌មានលាគ្នាជាផ្លូវការឡើយពីសំណាក់ក្លឹបអេស្ប៉ាញ នៅពេលខ្លួនចាកចេញទៅចូលរួម Juventus។ ការណ៍នេះ ធ្វើឲ្យមជ្ឈដ្ឋានបាល់ទាត់ជាច្រើនលើកឡើងថា ក្លឹបអេស្ប៉ាញហាក់មិនបានបង្ហាញកាយវិការគោរពគ្រប់គ្រាន់ចំពោះវីរបុរសរបស់ខ្លួន។
Ronaldo បានចូលរួមជាមួយ Juventus ក្រោយរួមរស់ ៩ ឆ្នាំជាមួយ Real Madrid។ តម្លៃនៃការផ្ទេរនេះ ត្រូវបានគេរាយការណ៍ថាស្ថិតក្នុងរង្វង់ ១០០ លានអឺរ៉ូ (ប្រមាណ ១១៦ លានដុល្លារសហរដ្ឋអាមេរិក)៕