ទីបំផុត តារាម៉ូដែលដ៏ល្បី Soojoo ស្រាយបំភ្លឺពីរូបថតនាងអត់ពាក់អាវឱប G-Dragon
- 2018-08-31 03:27:40
- ចំនួនមតិ 0 | ចំនួនចែករំលែក 0
ទីបំផុត តារាម៉ូដែលដ៏ល្បី Soojoo ស្រាយបំភ្លឺពីរូបថតនាងអត់ពាក់អាវឱប G-Dragon
ចន្លោះមិនឃើញ
តារាម៉ូដែលដ៏ល្បី Soojoo និងតារាចម្រៀង G-Dragon ត្រូវបានគ្រប់គ្នាចាប់អារម្មណ៍ខ្លាំងជាលើកដំបូង ក្រោយពួកគេទាំងពីរថតរូបបង្ហាញល្វែងខាងលើ សម្រាប់ដាក់លើក្របទស្សនាវដ្ដី Vogue Korea កាលពីឆ្នាំ ២០១៣។
ក្រោយពីទទួលបានការចាប់អារម្មណ៍ខ្លាំងបែបនេះ ពួកគេទាំង២នាក់ក៏កាន់តែបន្តបង្ហាញពីទំនាក់ទំនងជិតស្និទ្ធនឹងគ្នាជាសាធារណៈ ដូចដែលមហាជនបានឃើញពួកគេក្នុងកម្មវិធីបង្ហាញម៉ូដជាច្រើន ការថតរូបម៉ូដ និងការបង្ហោះរូបលើបណ្ដាញសង្គម Instagram ជាដើម។
ខណៈមានវត្តមានក្នុងកម្មវិធី Radio Star តារាម៉ូដែលស្រីរូបនេះ បានស្រាយបំភ្លឺពីអារម្មណ៍របស់នាងពេលជួបតារាចម្រៀង G-Dragon ជាលើកដំបូង។ នាងបាននិយាយថា៖ “តាមពិតទៅ ខ្ញុំមិនបានដឹងថា G-Dragon គឺល្បីខ្លាំងដល់ម៉្លឹងនោះទេ។ ខ្ញុំគិតថាគាត់គ្រាន់តែជាតារាម្នាក់ដែលលេងម៉ូដសម្លៀកបំពាក់ឡូយតែប៉ុណ្ណោះ"។
តារាស្រីរូបនេះបានបន្ថែមទៀតថា៖ "ពួកយើងត្រូវធ្វើអ្វីឲ្យដូចគ្នាសម្រាប់ការថតម៉ូដនោះ។ ពួកយើងមានសក់ស្រដៀងគ្នា និងត្រូវធ្វើការពេញមួយថ្ងៃដោយ ខ្ញុំត្រូវដោះអាវថតឱបពីក្រោយគាត់។ ខ្ញុំមិនបានដឹងថា រឿងនេះធ្វើឲ្យមានបញ្ហាធំបែបនេះទេ។ ក្រោយមកខ្ញុំ និងគាត់ក៏កាន់តែជិតស្និទ្ធនឹងគ្នា ចាប់តាំងពីរូបភាពរបស់ពួកយើងទទួលបានការចាប់អារម្មណ៍ខ្លាំងមក"៕