អ្នកចាញ់ និង អ្នកឈ្នះអំឡុងទីផ្សារដោះដូរកីឡាករ

2018-09-02 03:43:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីផ្សារដោះដូរកីឡាករនារដូវក្តៅនេះ បានបិទទ្វារជាស្ថាពរហើយកាលពីថ្ងៃសុក្រ។ Barcelona, Serie A និង Liverpool ត្រូវបានគេមើលឃើញថាជាអ្នកឈ្នះ ក្នុងអំឡុងទីផ្សារដោះដូរកីឡាករ ខណៈដែល Real Madrid និង លោក Jose Mourinho របស់បិសាចក្រហមត្រូវបានគេយល់ថាជាអ្នកចាញ់។ នេះបើតាម Goal។

អ្នកឈ្នះ៖ Barcelona

ទីផ្សារដោះដូរត្រូវបានបញ្ចប់ ប៉ុន្តែ Barcelona ក៏មិនផ្លាស់ប្តូរកីឡាករច្រើនដែរ តែយ៉ាងហោចណាស់ក្លឹបយក្សនេះ ឆក់កីឡាករសំខាន់បានពីរនាក់ដែរ។ Inter ប្រហែលជាអ្នកដែលត្រូវសោកស្តាយព្រោះតាមប្រមាញ់ Arturo Vidal មិនទាន់ Barca។

មួយវិញទៀត ការមកដល់របស់ Malcom នឹងធ្វើឲ្យតំបន់ប្រយុទ្ធរបស់ Barcelona កាន់តែខ្លាំង បូករួមនឹង Vidal ដែលពោរពេញទៅដោយបទពិសោធន៍ និង ការជួយជ្រោមជ្រែងពីកីឡាករ Arthur Melo ដែលនឹងជាពីរបួស នោះដូចធ្វើឲ្យ Ousmane Dembele ក្លាយជាកីឡាករដ៏គ្រោះថ្នាក់។

Yerry Mina ខ្សែការពារសញ្ជាតិកូឡុំប៊ី ដែលក្លឹបអ្នកមានបុណ្យមកតែ ១៤ លានដុល្លារកាលពីខែមករា និង មិនសូវបានដាក់ឲ្យលេងទេ ប៉ុន្តែបានលក់ចេញវិញឲ្យEverton បានដល់ទៅ ៣៥ លានដុល្លារ ជិតគ្រប់តម្លៃដែលក្លឹបកាតាឡាន់បានទិញ Clement Lenglet ក្នុងតម្លៃ ៤២ លានដុល្លារ ដែលនឹងជួយពង្រឹងតំបន់ការពារកណ្តាល។

អ្នកឈ្នះ៖ Serie A

ការចាកចេញទៅកាន់ ក្លឹប Juventus ក្នុងក្របខ័ណ្ឌ Serie A របស់ Ronaldo បានបង្វែរចំណាប់អារម្មណ៍មនុស្សទូទាំងពិភពលោកមកចាប់អារម្មណ៍បាល់នៅអ៊ីតាលី មិនថាតែការលក់អាវ Ronaldo និង ទូរទស្សន៍លក់សិទ្ធិផ្សាយ ក្នុងក្របខ័ណ្ឌ Serie A។

លោក Fabio Capello អតីតអ្នកចាត់ការក្រុម AC Milan បាននិយាយថា " "សិទ្ធិផ្សាយលើទូរទស្សន៍ និង ពាណិជ្ជកម្ម អង់គ្លេស អាល្លឺម៉ង់ និង អេស្ប៉ាញនៅលើពួកយើង ប៉ុន្តែជាមួយនឹងវត្តមាន Cristiano Ronaldo យើងអាចព្យាយាមងើបមុខម្តងទៀត។ Neymar បាននិយាយថា "ខ្ញុំគិតថា Cristiano Ronaldo នឹងផ្លាស់ប្តូរបាល់ទាត់អ៊ីតាលី។ វានឹងក្លាយជាអ្នកមើលបាល់អ៊ីតាលីម្តងទៀតដូចដែលខ្ញុំធ្លាប់បានមើលកាលពីក្មេង"។

អ្នកឈ្នះ៖ Liverpool

Liverpool បានទិញ Alisson ក្នុងតម្លៃខ្លួន ៩៧ លានដុល្លារ បានធ្វើឲ្យអតីតកីឡាករ Roma ក្លាយទៅជាអ្នកចាំទីដែលមានតម្លៃខ្លួនថ្លៃជាងគេលំដាប់ទី២លើលោកបន្ទាប់ពីអ្នកចាំទីរបស់ Chelsea។

កាលពីខែមករាកន្លងទៅ ហង្សក្រហមក៏ទើបបានទិញ Virgil van Dijk ក្នុងតម្លៃ ៧៣ លានដុល្លារ ធ្វើឲ្យអតីតកីឡាករ Southamton បានក្លាយទៅជាខ្សែការពារមានតម្លៃខ្លួនថ្លៃបំផុតលើលោក។

Jurgen Klopp ត្រូវបានគេចំអកថាហេតុអ្វីលោកចូលចិត្តទិញកីឡាករថ្លៃៗម្ល៉េះ។ ជុំវិញរឿងនេះ គ្រូបង្វឹក Liverpool ឆ្លើយថា "គុណភាព ត្រូវមានតម្លៃជាក់លាក់របស់វា"។

បើករដូវកាល Liverpool ឈ្នះ៣ការប្រកួត និង មិនទាន់របូតសូម្បី១គ្រាប់ បានឈរលើកំពូលតារាង Premier League បណ្តោះអាសន្ន។

រដូវកាលមុន Liverpool បញ្ចប់ត្រឹមចំណាត់ថ្នាក់លេខ៤នៅ EPL និង បានឡើងដល់វគ្គផ្តាច់ព្រ័ត្រ UEFA Champions League។

កំពូលខ្សែប្រយុទ្ធទាំង៣របស់ហង្សក្រហម៖ Mohamed Salah, Roberto Firmino និង Sadio Mane ជាមួយនឹង Alisson, Keita, Fabinho និង Xherdan Shaqiri គ្រប់គ្រឿងសម្រាប់ Klopp ជួយជម្រុញកំលាំងប្រយុទ្ធរបស់ខ្លួនកាន់តែខ្លាំង។

អ្នកចាញ់៖ Real Madrid

នៅពេលដែលអ្នកគាំទ្រក្រុម Real Madrid បានឃើញ Cristiano Ronaldo តាម Zinedine Zidane ចេញពី Santiago Bernabeu ពួកគេក៏យល់ថា ប្រធានក្លឹបលោក Florentino Perez គឺជាអ្នកដកកីឡាករព័រទុយហ្គាល់។

ព័ត៌មានល្ហិចល្ហៀងថា Neymar, Kylian Mbappe, Eden Hazard ឬ Harry Kane នឹងមករដ្ឋធានីអេស្ប៉ាញ គ្មានឡើយការពិត។ ផ្ទុយទៅវិញ Real នឹងចាប់ផ្តើមលេងដើម្បីប្រជែងដំណែង Champions League លើកទី៤របស់ខ្លួនជាមួយកីឡាករ Mariano Diaz ដែលនឹងត្រូវពាក់អាវលេខ៧។ Mariano Diaz គឺជាកីឡាករដដែល ដែល Blancos បានលក់ទៅឲ្យ Lyon កាលពីឆ្នាំទៅក្នុងតម្លៃត្រឹមតែ ៩ លានដុល្លារ។ សំណាងហើយដែល Real អាចរារាំង Luka Modric មិនឲ្យទៅ Inter។

តាមពិតទៅ Perez មិនចង់បាន Mariano ទេប៉ុន្តែគ្មានជម្រើស។ ប្រភពខាងលើបន្ត។

អ្នកចាញ់ ៖ Jose Mourinho

Jose Mourinho ដឹងច្បាស់ពីការចាញ់របស់ Man Utd។ គ្រូបង្វឹកព័រទុយហ្គាល់ បានទទូចឲ្យលោក Ed Woodward អនុប្រធានប្រតិបត្តិរបស់ក្លឹបបិសាចក្រហមទិញខ្សែបម្រើកណ្តាលដើម្បីបំពេញចន្លោះប្រហោងរបស់ក្លឹប។ ប៉ុន្តែការបដិសេធរបស់លោក Woodward ជាអតីតគណនេយ្យករ និង វិនិយោគិន ដែលមិនចង់ចំណាយ ជាលទ្ធផល Man Utd ចាញ់យ៉ាងអាម៉ាស់ក្នុងដី ០-៣ ក្រោមថ្វីជើងក្រុមមាន់ខ្នាយមាស Spursនិង ទើបចាញ់ក្រុម Brighton ៣-២។