ប៉ូលិស ទម្លាយផែនការដែលខ្លួនរៀបយកឈ្នះ Tiger យប់មិញ
- 2018-09-03 03:20:36
- ចំនួនមតិ 0 | ចំនួនចែករំលែក 0
ប៉ូលិស ទម្លាយផែនការដែលខ្លួនរៀបយកឈ្នះ Tiger យប់មិញ
ចន្លោះមិនឃើញ
លោក សារ៉េត ស៊ីដន គ្រូជំនួយរបស់ក្លឹបប៉ូលិសទម្លាយរឿងមួយដែលជាផែនការរបស់ក្លឹបមុនជំនួបជាមួយ អង្គរ Tiger ក្នុងការប្រកួតវគ្គពាក់កណ្ដាលផ្ដាច់ព្រ័ត្រ Hun Sen Cup 2018 កាលពីយប់មិញនៅពហុកីឡដ្ឋានជាតិ។
ជំនួបនេះ ប៉ូលិស បានយកឈ្នះទៅលើ អង្គរ Tiger ២-០ ដើម្បីឡើងទៅប៉ះជាមួយ ក្រសួងការពារជាតិ ថ្ងៃទី៦ ខែតុលា ឆ្នាំ២០១៨ ដែលជាជំនួបផ្ដាច់ព្រ័ត្រដណ្ដើមពានរង្វាន់ Hun Sen Cup 2018 ។ ក្រោយប្រកួតភ្លាមគ្រូបង្វឹកខាងលើបានឲ្យដឹងថា មុនប៉ះ Tiger ប្រធានក្លឹបរបស់លោកបានបើកការប្រជុំពិសេសមួយ ដោយប្រមូលកីឡាករមកសម្រាកជុំគ្នាចំនួន ៣ ថ្ងៃ និងសិក្សាពីក្បួនលេងរបស់ដៃគូ។
ពិសេសក្រុមរបស់លោកបានធ្វើការហ្វឹកហាត់ ៣ សប្ដាហ៍ពេញជាមួយទីលានស្មៅសិប្បនិម្មិត ដែលមានទំហំ និងស្មៅស្រដៀងទៅនឹងពហុកីឡដ្ឋានជាតិ ក្នុងការត្រៀមវគ្គដ៏សំខាន់នេះ។ លោកបានរៀបចំប្រពន្ធលេងមួយ ដោយមិនធ្វើការសម្រុកទៅលើ Tiger មុនទេ ហើយរង់ចាំតែឱកាសមកដល់ ដើម្បីវាយបក ជាលទ្ធផលគឺក្រុមរបស់លោកអាចធ្វើបានល្អទៅតាមការគ្រោងទុក ហើយអាចបន្តដំណើរទៅកាន់វគ្គផ្ដាច់ព្រ័ត្រ៕