Isco ថា Real មិននឹក Ronaldo ទេ នៅពេលនេះ
- 2018-09-06 13:55:08
- ចំនួនមតិ 0 | ចំនួនចែករំលែក 0
Isco ថា Real មិននឹក Ronaldo ទេ នៅពេលនេះ
ចន្លោះមិនឃើញ
ខ្សែបម្រើ Isco ក្នុងថ្ងៃនេះ បាននិយាយថា នាពេលបច្ចុប្បន្ន Real Madrid មិននឹកខ្សែប្រយុទ្ធ Cristiano Ronaldo នោះទេ។
កីឡាករអេស្ប៉ាញបានលើកឡើងថា៖ "Cristiano គឺជាកីឡាករដ៏អស្ចារ្យមួយរូប។ គេអាចរកបានយ៉ាងណាស់ពី ៤០ ទៅ ៥០ គ្រាប់សម្រាប់ក្រុម"។
Isco បន្តទៀតថា៖ "នៅពេលគេចាកចេញទៅ។ នៅពេលយើងឈ្នះ ពួកគេ (Isco ទំនងសំដៅលើអ្នកសារព័ត៌មាន ឬក្រុមអ្នកវិភាគបាល់ទាត់) ថា យើងមិននឹក Cristiano តែបើយើងចាញ់វិញ ពួកគេថាយើងនឹក Cristiano"។
ខ្សែបម្រើអេស្ប៉ាញ បានគូសបញ្ជាក់៖ "នៅពេលនេះ យើងកំពុងលេងបានយ៉ាងល្អណាស់។ បណ្ដាកីឡាករដែលមិនសូវស៊ុតចូលច្រើនកាលពីរដូវកាលមុន ឥឡូវចាប់ផ្ដើមរកគ្រាប់បាល់បានហើយ។ ដូច្នេះ បច្ចុប្បន្ន យើងមិននឹកនា Cristiano ឡើយ។ ខ្ញុំសូមជូនពរគេឲ្យមានសំណាងល្អនៅ Juventus"។
Ronaldo បានចាកចេញពី Real Madrid ទៅចូលរួមជាមួយ Juventus កាលពីខែកក្កដាកន្លងទៅ។ ទោះជាយ៉ាងណា កីឡាករព័រទុយហ្គាល់រកគ្រាប់បាល់មិនទាន់បាននៅឡើយទេ ឲ្យក្លឹបថ្មីខ្លួន គិតមកទល់ពេលនេះ។
បកនិយាយពីស្ថានភាពនៅ Real Madrid វិញ កីឡាករប្រយុទ្ធមួយចំនួនដូចជា Karim Benzema និង Gareth Bale ត្រូវបានមើលឃើញថា បានចាប់ផ្ដើមរដូវកាលបានល្អ។ Benzema រកបាន ៥ គ្រាប់ហើយក្នុងការបង្ហាញខ្លួន ៤ លើក ខណៈ Bale ស៊ុតចូល ៣ គ្រាប់៕