ការសិក្សា៖ សេដ្ឋកិច្ច Digital របស់ SME នឹងជួយឱ្យ GDP អាស៊ានកើន ១,១៣ ទ្រីលានដុល្លារ
- 2018-09-07 06:54:00
- ចំនួនមតិ 0 | ចំនួនចែករំលែក 0
ការសិក្សា៖ សេដ្ឋកិច្ច Digital របស់ SME នឹងជួយឱ្យ GDP អាស៊ានកើន ១,១៣ ទ្រីលានដុល្លារ
ចន្លោះមិនឃើញ
វត្តមានសហគ្រាសខ្នាតតូច និងមធ្យម ហៅកាត់ថា SMEs របស់សមាគមប្រជាជាតិអាស៊ីអាគ្នេយ៍ ក្នុងវិស័យសេដ្ឋកិច្ចឌីជីថល (Digital economy) ឬនិយាយឱ្យចំ គឺការទិញលក់តាម Oline អាចនឹងជួយបង្កើនចំណូលផលិតផលក្នុងស្រុក (GDP) ក្នុងតំបន់ បានរវាង ៧៨០ ពាន់លានទៅ ១,១៣ ទ្រីលានដុល្លារ នៅត្រឹមឆ្នាំ ២០២៥។ នេះបើផ្អែកតាមការសិក្សា របស់ក្រុមហ៊ុនប្រឹក្សាយោបល់ Bain & Co។
បច្ចុប្បន្នសេដ្ឋកិច្ចក្នុងទម្រង់ឌីជីថល បានរួមចំណែកទីផ្សារ ៧% ស្មើ ២០០ ពាន់លានដុល្លារនៃសំហំ GDP សរុបរបស់អាស៊ាន។
អ្នកស្រាវជ្រាវរបស់ Bain & Co បានឱ្យដឹងថា ការព្យាករណ៍នៃទំហំទឹកប្រាក់ជាង ១ ទ្រីលានដុល្លារនេះគឺ ដោយសារកំណើនសេដ្ឋកិច្ចក្នុងតំបន់។
បើតាមរបាយការណ៍ ការលក់រាយរបស់សហគ្រាសខ្នាតតូច និងមធ្យម ច្រើនជាង ២ ៣០០ នៅអាស៊ាន ជាមធ្យមមានកំណើន ១៥% បន្ទាប់ពីហក់ក្នុងពាណិជ្ជកម្មអេឡិចត្រូនិក ឬឌីជីថល។ ចំណែកវិស័យដឹកជញ្ជូនកើនពី ១០ ទៅ ២០% ខណៈកសិពាណិជ្ជកម្មកើន ៥% ទៅ ១៥% ដែលតួលេខនេះ បានមកពីការស្ទង់មតិអ្នកពាក់ព័ន្ធផ្នែកនេះ។
យ៉ាងណាការរាំងស្ទះនៅតែមាន ដោយសហគ្រាសធុនតូច និងមធ្យម ១៦% ធុនតូច និងមធ្យមប្រើបច្ចេកវិទ្យាឌីជីថល និងប្រហែល ៤០% ខ្វះជំនាញផ្នែកនេះ (Skill gap) និង ៤៥% មិនប្រាកដប្រជាអំពីបច្ចេកវិទ្យាឌីជីថល។
របាយការណ៍បង្ហាញទៀតថា ប្រទេសសមាជិកអាស៊ាន គួរធ្វើការជាមួយវិស័យឯកជន ដើម្បីបង្កើនជំនាញនេះ (Digital skills road maps) ដូចដែលបានធ្វើរួចមកហើយក្នុងប្រទេសសិង្ហបុរី និងម៉ាឡេស៊ី។
លោក Johnson Loh អ្នកវិភាគស្រាវជ្រាវ នៅក្រុមហ៊ុន Credit Suisse ប្រចាំអាស៊ីអាគ្នេយ៍ ប្រាប់ The Business Times ថា កំណែទម្រង់ឌីជីថល ដែលធ្វើឱ្យការងារមានសុវត្ថិភាព និងកើនផលិតភាព គឺជា កំណើនសេដ្ឋកិច្ចដ៏៏អស្ចារ្យ។
គួរបញ្ជាក់ថា សេដ្ឋកិច្ចឌីជីថល បានរួមចំណែកបង្កើនចំណូល GDP អាស៊ាន ៧% ស្មើ ២០០ ពាន់លានដុល្លារ ខណៈខាងក្រោមនេះ ជាទំហំ GDP សរុបរបស់សមាជិកប្រជាជាតិអាស៊ានទាំង១០។