ទំនេរពីបាល់ទាត់ Bellerin ផ្ដោតអារម្មណ៍លើការច្នៃម៉ូត ដោយចាប់ដេរខោខ្លួនឯង

2018-09-07 12:02:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ទំនេរពីបាល់ទាត់ ខ្សែការពារស្លាប Hector Bellerin ត្រូវបានប្រទះឃើញថាផ្ដោតអារម្មណ៍លើការច្នៃម៉ូត។

ក្នុងថ្ងៃនេះ កីឡាករបានបង្ហោះវីដេអូខ្លី Story មួយក្នុង Instagram អំពីសកម្មភាពដេរខោរបស់ខ្លួន។ ក្នុងវីដេអូនោះ ខ្សែការពារស្លាបអេស្ប៉ាញត្រូវបានសង្កេតថា បានយកចិត្តទុកដាក់ក្នុងការដេរខោម៉ូតរបស់ខ្លួន។ ក៏មានផងដែរ វត្តមានម្ដាយ Bellerin ឈរនៅជិតនៅកីឡាករនៅក្នុងវីដេអូ។

កាលពីពេលកន្លងទៅ Bellerin មិនដែលលាក់បាំងទេអំពីការចូលចិត្តរបស់ខ្លួនទៅលើវិស័យច្នៃម៉ូត។ ខ្សែការពារស្លាបជារឿយៗតែងតែធ្វើដំណើរចេញទៅក្រៅ ជាមួយសំលៀកបំពាក់បែបទាន់សម័យ ប្លែកៗទាក់ទាញចំណាប់អារម្មណ៍។ កីឡាករថែមទាំងចង់ចាប់អាជីពក្នុងវិស័យមួយនោះទៀតផង នៅពេលចូលនិវត្តន៍ពីបាល់ទាត់។ ទោះជាយ៉ាងណា ចំណាប់អារម្មណ៍របស់ Bellerin លើវិស័យច្នៃម៉ូត ក៏ធ្លាប់ទទួលរងការរិះគន់ពីអ្នកគាំទ្រ Arsenal ផងដែរ។ ពួកគេចង់ឲ្យខ្សែការពារស្លាបផ្ដោតអារម្មណ៍ឲ្យបានខ្លាំងលើការលេងបាល់ទាត់ក្នុងទីលានប្រកួត។

ប្រភព៖ The Sun

តាំងពីចាប់ផ្ដើមរដូវកាល Premier League ២០១៨/១៩ Bellerin បានលេងគ្រប់ប្រកួតរបស់ Arsenal។ យ៉ាងនេះក្ដី ទម្រង់លេងរបស់កីឡាករអេស្ប៉ាញធ្វើឲ្យមជ្ឈដ្ឋានជាច្រើនមានចម្ងល់។ តួយ៉ាង អត្រាដែលកីឡាករអេស្ប៉ាញធ្វើការ Cross បាល់ចំគោលដៅ គឺមានចំនួន ១១%ប៉ុណ្ណោះ។ នេះបើតាមតួលេខរបស់ The Sun៕

ប្រភព៖ The Sun ប្រែសម្រួល៖ ហ៊ីម រស្មី