ទីបំផុត Pogba ទម្លាយមូលហេតុមិនដូរម៉ូតសក់ច្រើនក្នុងអំឡុងពេល World Cup

2018-09-11 12:54:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើ Paul Pogba ក្នុងថ្ងៃនេះ និយាយថា ខ្លួនមិនដូរម៉ូតសក់ច្រើន ក្នុងអំឡុងពេល World Cup ព្រោះខ្លួនមិនចង់ឲ្យអ្នកសារព័ត៌មានមានលេសក្នុងការទិតៀន ខ្លួន និងក្រុមជម្រើសជាតិបារាំង។

កីឡាករ Manchester United បាននិយាយប្រាប់សារព័ត៌មាន RMC ថា៖ "ខ្ញុំមានចេតនាមិនធ្វើការលេងម៉ូតសក់ក្នុងអំឡុងពេល World Cup។ ខ្ញុំមិនចង់ឮលេសផ្សេងៗចេញពីអ្នកសារព័ត៌មានដែលទិតៀនទម្រង់លេងខ្ញុំដោយសាររឿងដូរម៉ូតសក់។ ខ្ញុំចង់ឲ្យក្រុមជម្រើសជាតិ មានការផ្ដោតអារម្មណ៍ខ្ពស់។ នៅពេលនិយាយពីបាល់ទាត់ គួរតែនិយាយអំពីការលេងនៅលើវាលស្មៅ និងទម្រង់លេងរបស់កីឡាករ"។

Pogba លើកឡើងទៀតថា៖ "មានអ្នកខ្លះថា ខ្ញុំគឺជាមេដឹកនាំក្នុងក្រុម។ ខ្ញុំមិនដែលនិយាយថាខ្ញុំអ៊ីចឹងទេ តែខ្ញុំបង្ហាញវា (ភាពដឹកនាំ) នៅពេលលេងនៅលើវាលស្មៅ"។

ខ្សែបម្រើ Pogba ជារឿយៗ តែងរកការរិះគន់ពីមជ្ឈដ្ឋានបាល់ទាត់ជាច្រើនថា ចូលចិត្តឡូយឆាយ ដូរម៉ូតសក់ច្រើន មិនសូវផ្ដោតអារម្មណ៍លើការលេងបាល់ទាត់។ កីឡាករតែងត្រូវបានទិតៀនខ្លាំងៗ នៅពេលធ្លាក់ទម្រង់លេង ឬក្រុមរបស់កីឡាករលេងទទួលបានលទ្ធផលមិនល្អ។

យ៉ាងនេះក្ដី ក្នុង World Cup ២០១៨ កីឡាករបានបង្ហាញទម្រង់លេងបានយ៉ាងល្អ និងបានរួមចំណែកយ៉ាងសំខាន់ក្នុងការជួយបារាំងឲ្យឈ្នះ World Cup ជាលើកទី ២ ក្នុងប្រវត្តិសាស្ត្ររបស់ខ្លួន៕

ប្រភព៖ Goal ប្រែសម្រួល៖ ហ៊ីម រស្មី