Honda ពាក់នាឡិកា២ដូច Maradona ពេលដឹកនាំអាហ្សង់ទីនដែរ តើហេតុផលដូចគ្នាទេ?

2018-09-12 07:56:31
ចំនួនមតិ 0 | ចំនួនចែករំលែក 0

ចន្លោះមិនឃើញ

គេសង្កេតឃើញថា ក្នុងការដឹកនាំក្រុមជម្រើសជាតិកម្ពុជាលើកដំបូង កីឡាករ Keisuke Honda មានការតុបតែងខ្លួនប្លែក និងមើលទៅ ទាក់ទាញខ្លាំងមែនទែន។

អ្វីដែលកាន់តែធ្វើឱ្យអ្នកគាំទ្រកម្ពុជាឆ្ងល់ថែមទៀតនោះ គឺរូបគេបានពាក់នាឡិកាដៃសងខាងឯណោះ ។ តើហេតុអ្វីបានជាពាក់ទាំងសងខាងអីចឹង? បើត្រលប់ទៅមើលអ្នកចាត់ការល្បីៗលើលោកនេះវិញ Maradona គ្រាដឹកនាំក្រុមជម្រើសជាតិអាហ្សង់ទីន ក៏ធ្លាប់ពាក់នាឡិកាម្ដង២អីចឹងដែរ។ ដោយគ្រានោះ ឱ្យតែលោកដឹកនាំការប្រកួតនៅក្រៅដី ឬទៅប្រកួតជាមួយប្រទេសខុសល្វែងម៉ោងគ្នា គឺតែងតែពាក់នាឡិកា២ដូច្នេះហើយ។ ការពាក់អីចឹង គឺនាឡិកាមួយសម្រាប់ម៉ោងក្នុងស្រុកឬប្រទេសដែលលោកដឹកនាំ និងនាឡិកាមួយទៀត សម្រាប់ដាក់ល្វែងម៉ោងឱ្យដូចនៅប្រទេសអាហ្សង់ទីន។

ត្រលប់មករឿង Honda វិញ រូបគេពាក់នាឡិកាសងខាងនេះ ត្រូវបានគេប្រទះឃើញតាំងពីនៅលេងឱ្យក្រុម AC Milan មកម្ល៉េះ។ ដោយគ្រានោះ លោកពាក់នាឡិកា២ ដោយម្ខាងសម្រាប់ម៉ោងនៅអ៊ីតាលី និងម្ខាងទៀតសម្រាប់ម៉ោងនៅជប៉ុន។ ស្ទាយនេះ ក៏នៅជាប់រហូតមកដល់ពេលបច្ចុប្បន្ននេះដែរ។ ដូច្នេះ តើអាចទេ ដែលនាឡិកា២នេះ មួយសម្រាប់ម៉ោងនៅកម្ពុជា និងមួយទៀតសម្រាប់ម៉ោងនៅជប៉ុននោះ?

អត្ថបទ៖ មុន្នីរម្យ