Alli និង Lloris ត្រូវអវត្តមាន ពេល Spurs ជួប Liverpool ស្អែកនេះ
- 2018-09-14 07:18:12
- ចំនួនមតិ 0 | ចំនួនចែករំលែក 0
Alli និង Lloris ត្រូវអវត្តមាន ពេល Spurs ជួប Liverpool ស្អែកនេះ
ចន្លោះមិនឃើញ
Dele Alli និងប្រធានក្រុម Hugo Lloris នឹងត្រូវខកខានប្រកួតឲ្យ Spurs ក្នុងក្របខណ្ឌ Premier League សប្ដាហ៍នេះ ពេលជួបជាមួយ Liverpool ដោយសារតែបញ្ហារបួសដូចគ្នា។
Mauricio Pochettino អ្នកចាត់ការរបស់ Spurs និយាយថា Alli បានរងរបួសអំឡុងពេលលេងឲ្យអង់គ្លេសចាញ់អេស្ប៉ាញ ២-១ ក្នុងពានរង្វាន់ Nations League។ ក្រៅពីអវត្តមានប្រកួតនេះ ខ្សែបម្រើវ័យ២២ឆ្នាំក៏អាចមិនបានលេងនៅថ្ងៃបើកឆាក Champions League ជួប Inter Milan នៅថ្ងៃអង្គារសប្ដាហ៍ក្រោយផងដែរ។
សម្រាប់អ្នកចាំទីដៃទីមួយ Lloris ក៏កំពុងមានរបួសភ្លៅមិនអាចចូលលេងអាទិត្យនេះដែរ។ របួសនេះកើតឡើងពេលគេលេងជាមួយ Manchester Unitedយកឈ្នះ ៣-០។ កីឡាករបារាំងរូបនេះទើបតែចប់រឿងក្ដីបើកបរមានជាតិស្រវឹងត្រូវពិន័យប្រាក់៥ម៉ឺនផោននិងមិនឲ្យបើកបរ២០ខែ៕