តើ វឌ្ឍនាកា អាចជាប់ជម្រើសជាតិទល់ទីម័រទេក្រោយជាពីរបួសទេ?

2018-09-18 02:42:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមជម្រើសជាតិកម្ពុជា នឹងត្រូវជួបក្រុមជម្រើសជាតិទីម័រខាងកើត នាថ្ងៃទី១២ ខែតុលា ឆ្នាំ២០១៨ នៅពហុកីឡដ្ឋានជាតិ វេលាម៉ោង ៦:៣០ នាទីល្ងាច ដែលជាជំនួបមិត្តភាពអន្តរជាតិលើកទី២របស់កម្ពុជាក្រោមការដឹកនាំរបស់ Honda ។

ចាន់ វឌ្ឍនាកា

កាលកម្ពុជាប៉ះជាមួយ ម៉ាឡេស៊ី ដែលចាញ់ ៣-១ នោះ ត្រូវបានគេដឹងថា កម្ពុជាមិនមានវត្តមានរបស់ ចាន់ វឌ្ឍនាកា ឡើយ ដោយសាររបួស។ ប៉ុន្តែក្រោយពេលជាពីរបួសភ្លាមកីឡាកររូបនេះបានចូលលេងឲ្យបឹងកេតជាថ្មី និងរកគ្រាប់បាល់បានមួយគ្រាប់នៅនាទីទី៤៥ ក្នុងជំនួប បឹងកេត យកឈ្នះអគ្គិសនីកម្ពុជា ៥-០ ក្នុងលីគកំពូលកម្ពុជាសប្ដាហ៍ទី២០កាលពីចុងសប្ដាហ៍កន្លងទៅ។

ការបង្ហាញទម្រង់លេងយ៉ាងល្អ និងជួយក្រុមយកឈ្នះទៅលើដៃគូ ប្រាកដណាស់នឹងអាចធ្វើឲ្យតារាឆ្នើមមកពីខេត្តកំពតរូបនេះមានវត្តមានជាថ្មីក្នុងក្រុមជម្រើសជាតិកម្ពុជានៅពាក់កណ្ដាលខែក្រោយនេះ។ ចាន់ វឌ្ឃនាកា មានរបួសពេលលេងមិត្តភាពទល់ក្រុមមកពីលីគជប៉ុនកាលពីពេលកន្លងទៅ៕