King of Cards អាប់ដេតថ្មី ក្រាហ្វិកឡូយកប់ អាចកក់បន្ទប់មួយដាច់បាន

2018-09-20 09:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

នាពេលថ្មីៗនេះ King of Cards បានផ្លាស់ប្តូរមុខមាត់ថ្មី ដោយបានដាក់បញ្ចូលនូវរចនាបថថ្មី ជាមួយទម្រង់នៃគណនីថ្មីប្លែក ការបើកឲ្យប្រើប្រាស់នូវមុខងារជាច្រើនសំរាប់អ្នកលេងជាលក្ខណះ Guess និងការកែសម្រួលនូវបញ្ហាមិនប្រក្រតីជាច្រើនដែលតែងតែកើតមានឡើងកន្លងមកនេះ។

King of Cards គឺជាហ្គេមបៀរមួយប្រភេទដែលបានបង្កើតឡើងដោយស្នាដៃកូនខ្មែរផ្ទាល់ ហើយវាក៏ជាហ្គេមដែលកំពុងមានសន្ទុះប្រជាប្រិយភាពខ្លាំងបំផុតនិងមានចំនួនអ្នកលេងច្រើនបំផុតនាពេលបច្ចុប្បន្ននេះផងដែរ។

ហ្គេមនេះត្រូវបាននិយមលេងគ្រប់ស្រទាប់យុវវយ័ក៏ដូចជាវ័យកណ្តាលហើយវាបានផ្តល់ឲ្យអ្នកលេងនូវជំរើសក្នុងការលេងដូចជាការជ្រើសរើសប្រភេទបៀរ កាតេ ស៊ីគួ និង ទៀនលេន ដែលសុទ្ធសឹងតែជាប្រភេទបៀរល្បីៗនិងមានចំនួនអ្នកលេងច្រើនបំផុត។

King of Cardsបានផ្តល់ឲ្យអ្នកលេងនូវអារម្មណ៍សប្បាយរីករាយនិងងាយស្រួលក្នុងការលេងដោយពួកគេអាចលេងជាមួយមិត្តភក្តិ ឬ ក្រុមគ្រួសាររបស់ពួកគេបានគ្រប់ពេលវេលានិងគ្រប់ទីកន្លែងទោះបីជាពួកគេស្ថិតនៅទីតាំងខុសគ្នាក៏ដោយ។

លើសពីនេះទៅទៀតអ្នកលេងក៏អាចរីករាយក្នុងការប្រើប្រាស់នូវមុខងារមួយចំនួនកំឡុងពេលលេងដូចជា ការជជែកលេងជាមួយមិត្តភក្តិ ការប្រើប្រាស់ Stickers Cute Cute ក៏ដូចជាការបង្ហោះសារខ្លីៗនៅក្នុងហ្គេម។ បន្ថែមពីនោះអ្នកលេងក៏អាចជួលបន្ទប់ផ្ទាល់ខ្លួនមួយដើម្បី Invite មិត្តភក្តិ ឬក្រុមគ្រួសារមកលេងជុំគ្នាបានផងដែរ។

កាន់តែពិសេសជាងនេះទៀតនោះ នាពេលខាងមុខនេះក្រុមការងារនឹងដាក់បញ្ចូលនូវ Events ថ្មីៗ មុខងារកម្សាន្តប្លែកៗជាច្រើនប្រភេទទៀត ថែមទាំងផ្តល់ជូននូវរង្វាន់ជាច្រើនសំរាប់តបស្នងនូវការគាំទ្ររបស់អ្នកលេង៕

អ្នកអាចទាញយកតាមរយៈ Link ខាងក្រោម៖

អត្ថបទ៖ រក្សា