ក្រុមហ៊ុន IT ធំៗ ៥០ នៅវៀតណាម រកបាន ១៦ ពាន់លានដុល្លារ
- 2018-09-23 06:12:00
- ចំនួនមតិ 0 | ចំនួនចែករំលែក 0
ក្រុមហ៊ុន IT ធំៗ ៥០ នៅវៀតណាម រកបាន ១៦ ពាន់លានដុល្លារ
ចន្លោះមិនឃើញ
សមាគមកម្មវិធីកុំព្យូទ័រវៀតណាម (VINASA) បានបង្ហាញថា នៅវៀតណាមមានក្រុមហ៊ុន IT ធំៗចំនួន ៥០ និងរកបានមានចំនួន ១៦ ពាន់លានដុល្លារកាលពីឆ្នាំ ២០១៧ ។
VINASA បញ្ជាក់បន្ថែមថា ក្នុងចំណោមនោះ មានក្រុមហ៊ុនលំដាប់ខ្ពស់ជាងគេចំនួន ១០ ដែលមានសមត្ថភាពតាមទាន់ឧស្សាហកម្មបច្ចេកវិទ្យា 4.0 ដូចជាក្រុមហ៊ុន Deha Vietnam, FPT, Misa, Sao Bac Dau, Viettel, V-Next Software, Novaon, VNG, VNPay និងក្រុមហ៊ុន Nash Tech។
ប្រភពដដែលនេះ បន្តថា ក្រុមហ៊ុន IT ល្បីៗនៅវៀតណាមចំនួន ៥៣ មានបុគ្គលិកធ្វើការចំនួនជាង ៩ ម៉ឺននាក់ ស្មើនឹង ២២,៩% នៃធនធានមនុស្សសរុបនៅក្នុងវិស័យ IT ទូទាំងប្រទេស។
គួរបញ្ជាក់ផងដែរថា វៀតណាមជាមួយប្រទេសមួយក្នុងចំណោមប្រជាជាតិ ៣ នៅអាស៊ាន ដែលនឹងប្រឈមមុខ បាត់បង់ការងារ ដោយបច្ចេកវិទ្យា AI។ គេព្យាករណ៍ថា ឆ្នាំ ២០២៨ វៀតណាម នឹងបាត់បង់ការងារ ៧,៥ លានកន្លែងស្មើ ១៣,៨ ភាគរយ នៃកម្លាំងការងារសរុប៕