មិនធម្មតា! សហគ្រិន ២០រូបទាំងខ្មែរ-បរទេស ទទួលបានពានឆ្នើមមិនធ្លាប់មានក្នុងឆ្នាំ ២០១៨
- 2018-09-23 23:15:00
- ចំនួនមតិ 0 | ចំនួនចែករំលែក 0
មិនធម្មតា! សហគ្រិន ២០រូបទាំងខ្មែរ-បរទេស ទទួលបានពានឆ្នើមមិនធ្លាប់មានក្នុងឆ្នាំ ២០១៨
ចន្លោះមិនឃើញ
សហគ្រិនចំនួន២០រូប ទទួលពានរង្វាន់ ក្នុងកម្មវិធីប្រគល់ពានរង្វាន់ជូនសហគ្រាសជោគជ័យក្នុងវេទិការង្វាន់ Brands កម្ពុជា ឆ្នាំ២០១៨ (Cambodia Successful Brand Awards 2018) កាលពីយប់ថ្ងៃ សុក្រ នៅសណ្ឋាគារ Sofitel ភ្នំពេញ។
កម្មវិធីប្រគល់ពានរង្វាន់នេះ រៀបចំដោយ ក្រុមហ៊ុន Brands Alliance ដើម្បីទទួលស្គាល់ និងប្រគល់ជូនពានរង្វាន់ឆ្នើមប្រចាំឆ្នាំ ២០១៨ ដល់សហគ្រាស ដែលទទួលបានជោគជ័យក្នុងអាជីវកម្មរបស់ខ្លួន។ ក្នុងនោះសហគ្រិនទាំង ២០រូបទទួលរង្វាន់ពីវត្តមានដ៏ខ្ពង់ខ្ពស់របស់លោកជំទាវកិត្តិសង្ហហបណ្ឌិត ម៉ែន សំអន ឧបនាយករដ្ឋមន្រ្តី។
ជាមួយគ្នានេះសហស្ថាបនិក រ៉ាយ អេនអុង បានឱ្យដឹងថា អាជីវកម្មជោគជ័យមានន័យថា ក្រុមហ៊ុន ឬបុគ្គលដែលជាម្ចាស់ទទួលបានប្រាក់ចំណេញ ចំណែកបុគ្គលិកទាំងអស់រីករាយ ដោយទទួលប្រាក់បៀវត្ស កម្រៃ និងបណ្តាញសុវត្តិភាពនានា។ លើសពីនេះ ក្រុមហ៊ុនត្រូវតែមានការទទួលស្គាល់ តាមរយៈសកម្មភាព ដែលបម្រើដល់វិស័យមនុស្សធម៌ និងសង្គមកិច្ចផងដែរ។
សហស្ថាបនិកបានបន្តទៀតថា តាមរយៈការបង្កើតពានរង្វាន់ ដែលមានកិត្យានុភាពនេះ ក្រុមហ៊ុន Brands Alliance បានបង្កើតបណ្តាញទំនាក់ទំនង ល្អមួយ ដល់ក្រុមហ៊ុន នានាទូទាំងពិភពលោក និងនាំមកនូវការចាប់ងារម្មណ៍បន្ថែម នៃការវិនិយោគដោយផ្ទាល់ពីបរទេស និងក្នុងប្រទេសផងដែរ។ម្យ៉ាងទៀតពានរង្វាន់នេះ ក៏ផ្តល់ជូនសហគ្រិននូវអត្ថប្រយោជន៍ ជាច្រើនដូចជា ការទទួលស្គាល់ ការគាំទ្រ និងការកើនឡើងនៃអតិថិជនក្នុងទីផ្សារជាដើម។
ក្នុងឱកាសប្រគល់ពានរង្វាន់នោះដែរលោក ជំទាវកត្តិសង្ហហបណ្ឌិត ម៉ែន សំអន មានប្រសាសន៍បន្ថែមពីលើ សហស្ថាបនិកខាងលើថា សម្រាប់វេទិកា ដែលបានកើតឡើងកាលពីយប់ថ្ងៃសុក្រនោះ វាអាចជាគម្រូល្អ មួយសម្រាប់មនុស្សជំនាន់ក្រោយ ដែលជាកម្លាំងចិត្ត និងធ្វើជាឧទាហរណ៍មួយ ជំរុញឱ្យសហគ្រិនជំនាន់ក្រោយមានសក្តានុពល និងខិតខំប្រឹងប្រែងនៅលើផ្លូវដូចគ្នា ដែលបានបង្ហាញកាលពីយប់ថ្ងៃសុក្រ និងសម្រាប់ត្រួសត្រាយផ្លូវឆ្ពោះទៅរកភាពជោគជ័យក្នុងសហគ្រិនភាពរបស់ពួកគេ៕
តាមដានសកម្មភាពសហគ្រិនទាំង២០ខាងក្រោម៖