Pogba ហាក់ពាក់មុខយក្សដាក់ Mourinho ក្នុងអំឡុងពេលហ្វឹកហាត់ថ្ងៃនេះ
- 2018-09-26 13:59:17
- ចំនួនមតិ 0 | ចំនួនចែករំលែក 0
Pogba ហាក់ពាក់មុខយក្សដាក់ Mourinho ក្នុងអំឡុងពេលហ្វឹកហាត់ថ្ងៃនេះ
ចន្លោះមិនឃើញ
ខ្សែបម្រើ Paul Pogba ក្នុងថ្ងៃនេះ ត្រូវបានសង្កេតថា បានបង្ហាញទឹកមុខមិនសប្បាយចិត្តចំពោះលោក អ្នកចាត់ការ Jose Mourinho។
ក្នុងវីដេអូមួយបង្ហោះដោយ Sky Sports ក្នុងថ្ងៃនេះ បានបង្ហាញអំពីទិដ្ឋភាពក្នុងអំឡុងពេលហ្វឹកហាត់របស់ Manchester United។ ដំបូងឡើយPogba ត្រូវបានឃើញថា បានរត់ ហើយធ្វើការស្វាគមន៍អតីតកីឡាករ Michael Carrick ហើយលោក Mourinho ក៏ស្ថិតនៅជិតនោះផងដែរ។ ទោះជាយ៉ាងណា ទឹកមុខរបស់ Pogba ត្រូវបានសង្កេតថា ប្រែប្រួលខ្លាំងទៅជាមិនសប្បាយចិត្ត ក្រោយឮពាក្យមួយចំនួនចេញពីមាត់លោកអ្នកចាត់ការបិសាចក្រហម។ នៅពេលនោះ Pogba ក៏បានតបតទៅលោក Mourinho វិញដែរ តែស្ថានភាពហាក់មិនបានប្រសើរឡើងសោះ។
រហូតមកទល់ពេលនេះ ការសន្ទនារបស់អ្នកទាំងពីរមិនទាន់ត្រូវបានឲ្យដឹងនៅឡើយទេ។
សូមបញ្ជាក់ផងដែរ ប៉ុន្មានខែចុងក្រោយនេះ មានរបាយការណ៍ជាច្រើនបានលើកឡើងថា ទំនាក់ទំនង Pogba និង Mourinho បានប្រេះឆា។ ទោះជាយ៉ាងណា ជារឿយៗ ភាគីទាំងពីរតែងបដិសេធរឿងនេះ៕