អនាគតម្ចាស់ថ្មីរបស់ក្លឹបតោខៀវ Chelsea ចេញតម្រុយមកបណ្តើរៗហើយ

2018-09-30 02:51:45
ចំនួនមតិ 0 | ចំនួនចែករំលែក 0

ចន្លោះមិនឃើញ

មហាសេដ្ឋីរុស្ស៊ីបានកាន់កាប់ក្លឹបបាល់ទាត់ Chelsea អស់រយៈពេល១៥ឆ្នាំមកហើយ ដែលត្រូវបានគេជឿថាលោកកំពុងពិចារណាលក់ក្លឹបដែលកំពុងជោគជ័យមួយនេះ។

លោក Abramovich ម្ចាស់ក្លឹប Chelsea

ជាមួយនឹងតម្លៃ ៣ ០០០ លានផោន (៣ ប៊ីលានផោន ប្រហែល ៣,៩ ប៊ីលានដុល្លារ) បន្ទាប់ពីការដេញថ្លៃដើម្បីទិញក្លឹប Chelsea ក្នុងតម្លៃ ២,៣ ប៊ីលានផោនត្រូវបានច្រានចោល។ នេះបើតាមសេចក្ដីរាយការណ៍របស់សារព័ត៌មាន The Mirror។

Sir Jim Ratcliffe មហាសេដ្ឋីជនជាតិអង់គ្លេស ត្រូវបានគេគិតថាកំពុងចាប់អារម្មណ៍លើការទទួលយក Stamford Bridge ។

បេក្ខភាពម្នាក់ទៀតដែលគេគិតថាអាចនឹងទិញ Chelsea គឺលោក Paul Allen ដែលជាអ្នកជំនួញ និង ជាមហាសេដ្ឋីជនជាតិអាមេរិក ជាម្ចាស់ក្រុមហ៊ុន Portland Trail Blazers និង Seattle Seahawks។

Paul Allen សហស្ថាបនិករបស់ក្រុមហ៊ុន Microsoft ជាមួយលោក Bill Gates

Allen គឺជាសហស្ថាបនិករបស់ក្រុមហ៊ុន Microsoft ជាមួយលោក Bill Gates ហើយ លោកជាមនុស្សមានចំណាប់អារម្មណ៍ខ្លាំងក្នុងការវិនិយោគលើវិស័យកីឡាដូចជា NBA និង NFL ជាដើម។

មហាសេដ្ឋីអាមេរិកវ័យ៦៥ឆ្នាំត្រូវបានរាយការណ៍ថាបានជួបជាមួយ Pini Zahavi ដែលជាមិត្តជិតស្និទ្ធរបស់លោក Abramovich។ Zahaviត្រូវបាន Abramovich ប្រគល់ភារកិច្ចឱ្យស្វះស្វែងពីលទ្ធភាពនៃការលក់ក្លឹបតោខៀវ។ ប្រភពខាងលើបន្ត។

យោងតាម Bloomberg បានអោយដឹងថាលោក Abramovich អាចជឿជាក់ថានឹងលក់ Chelsea ប្រសិនបើនរណាហ៊ានឲ្យថ្លៃយ៉ាងហោចណាស់ ៣ ប៊ីលានផោន៕

ប្រភព៖ Mirror ប្រែសម្រួល៖ សុខ លាងហ៊ត