ក្រុមហ៊ុនល្បី ១០ឆ្នាំខាងការពារ និងថែទាំរថយន្តស៊េរីទំនើប CTS របស់ថៃ លេចវត្តមាននៅខ្មែរ

2018-10-01 09:14:52
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីមើលឃើញថាប្រទេសកម្ពុជាមានការរីកចំរើនគ្រប់វិស័យ ក្នុងនោះវិស័យយានយន្តក៏កំពុងតែមានសន្ទុះខ្លាំងក្លាផងនោះ ក្រុមហ៊ុន KB CTS Cambodia ត្រូវបានបង្កើតឡើងដែលមានបម្រើសេវាកម្មទាក់ទងនឹងយានយន្តនេះផ្ទាល់។

ក្រុមហ៊ុន KB CTS Cambodia បានបង្កើតឡើង និងដឹកនាំដោយលោក លឹម សុខឃាង ជាអគ្គនាយក ដែលលោកជាស្ថាបនិកក្រុមហ៊ុនជាច្រើនរួចមកហើយ ក្នុងនោះមាន CTS ជាក្រុមហ៊ុនមួយដែលមានប្រភពដើមពីប្រទេសថៃ និងទទួលបានការគាំទ្រជោគជ័យជាង ១០ ឆ្នាំចុងក្រោយមកនេះ។

CTS មានផ្ដល់ជូនដល់អតិថិជននូវសេវាកម្ម Coating (CRYSTAL SEALED) ជាបច្ចេកវិទ្យាទំនើបដំបូងគេបង្អស់ និងផលិតផលទឹកថ្នាំបាញ់ពីប្រទេសជប៉ុនដែលធ្វើឲ្យរថយន្តមានពន្លឺភ្លឺ និងថ្លាដូចកញ្ចក់រហូតដល់ ១០ឆ្នាំ អាចបំបាត់ស្នាមឆូត ឬសឹកដោយការប្រើប្រាស់ និងការធ្វេសប្រហែសផ្សេងៗ ឲ្យប្រែមានសណ្ឋានដូចរថយន្តថ្មីទើបនឹងចេញពីរោងចក្រដូច្នោះដែរ។ ក្នុងនោះក៏មានការធានា និងសេវាកម្មជួលជុលបន្ទាប់ពីបានជ្រើសរើស និងប្រើប្រាស់កញ្ចប់ណាមួយពី CTS ផងដែរ។

ពិសេសជាងនេះទៅទៀត ក្រុមហ៊ុនក៏មានសេវាកម្មបិត Film (SPACE GUARD) ហ្វីលការពាររថយន្ត ដែលធ្វើដោយជាងមានជំនាញ និងបានឆ្លងកាត់ការសិក្សាអនុវត្តន៍ផ្ទាល់ពីប្រទេសថៃ សម្ភារៈ ផលិតផលសុទ្ធតែនាំចូលពីសហរដ្ឋអាមេរិកជាមួយគុណភាព និងការធានារហូតដល់ ៥ឆ្នាំ។ ម្យ៉ាងទៀតជាផលិតផលដែលគ្មានពីរនៅប្រទេសកម្ពុជា។

CTS ក៏មានសេវាកម្ម ( ABSOLUTE LEATHER EXPERTISE )សម្រាប់សម្អាត ការពារ និងថែទាំផ្នែកខាងក្នុងរថយន្តហួសពីការគិតរបស់អតិថិជន អ្វីដែលជាការផ្ដល់ជូនបន្ថែម ក្រុមហ៊ុនមានជាសេវាកម្ម លាងរថយន្តបែបទំនើបដែលប្រើប្រាស់ផលិតផលពិសេស ប្រព័ន្ធចម្រោះទឹកស្អាតដែលគ្មានសារជាតិរ៉ែ ក្លរ និងជាតិគីមីផ្សេងៗដែលប៉ះពាល់ដល់អាយុកាលទឹកថ្នាំរបស់យានយន្ត។