Pep Guardiola ឆ្លើយតបនឹងពាក្យចចាមអារ៉ាមអំពីការត្រៀមនាំចូលតារាបាល់ទាត់នៃលីគកំពូលបារាំង

2018-10-02 13:51:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីលេចឮនូវពាក្យចចាមអារ៉ាមមួយចំនួនពាក់ព័ន្ធនឹងការផ្ទេរចូលនៃកីឡាករវ័យក្មេងសញ្ជាតិបារាំង Kylian Mbappe អ្នកចាត់ការទូទៅក្លឹប Manchester City លោកPep Guardiola បានចេញមុខបកស្រាយថា ខាងក្លឹបមិនមានបំណងក្នុងការចំណាយលុយយ៉ាងច្រើនសន្ធឹកសន្ធាប់ដើម្បីទិញយកកីឡាកររូបនេះពីក្លឹបយក្សបារាំង Paris Saint-Germainទេ។

នៅក្នុងសន្និសីទកាសែតមុនជំនួបរវាងក្លឹប Manchester City និង Hoffenheim លោក Pep បានលើកឡើងថា៖ " វានឹងមិនអាចកើតឡើងទេ។ ពួកយើងនឹងមិនជះលុយដើម្បីយក Mbappe មកក្លឹបយើងទេ។ ខ្ញុំគិតថា PSG នឹងមិនលក់កីឡាករល្អអញ្ចឹងនៅឆ្នាំក្រោយឡើយ "។

លោកបានបន្តទៀតថា៖ " Mbappe នឹងមិនមកលេងនៅទីនេះដែរ (Manchester City) ហើយយើងក៏មិនដោះដូរ Raheem Sterling ឬ កីឡាករកំពូលៗដែលយើងមានដើម្បីយករូបគេ(Kylian Mbappe) ឡើយ។ ខ្ញុំដឹងច្បាស់ថាកីឡាករណាត្រូវនាំចូលមក ហើយកីឡាករណាត្រូវលក់ចេញ "។

កាលពីថ្ងៃអាទិត្យកន្លងទៅ, សារព័ត៌មាន The Sun បានចុះផ្សាយថាក្រុមលើកពាន Premier Leauge ឆ្នាំចាស់នេះបានដាក់សំណើ ២០០លានផោនដើម្បីផ្ទេរ Kylian Mbappe (ជិត ២៦០ លានដុល្លារសហរដ្ឋអាមេរិក) ពី PSG ហើយគ្រោងនឹងចំណាយលើថ្លៃនឿយហត់របស់កីឡាកររូបនេះ ២០លានផោន (ជិត ២៦ លានដុល្លារសហរដ្ឋអាមេរិក) ក្នុងមួយឆ្នាំ។ រីឯ Raheem Sterling វិញ អាចនឹងលក់ចេញដើម្បីសម្រួលដល់ការនាំចូល Mbappe ៕

ប្រភព៖ 90min ប្រែសម្រួល៖ ហ៊ីម រស្មី