Apple កំពុងកែកុន យ៉ាងយូរពីរឆ្នាំទៀត iPhone ក្រោយៗលែងឃើញក្បាលឆក
- 2018-10-03 02:11:49
- ចំនួនមតិ 0 | ចំនួនចែករំលែក 0
Apple កំពុងកែកុន យ៉ាងយូរពីរឆ្នាំទៀត iPhone ក្រោយៗលែងឃើញក្បាលឆក
ចន្លោះមិនឃើញ
iPhone X រួមទាំង XS និង XS Max រចនាឡើងមាន Notch (ក្បាលឆក) ប៉ុន្តែក៏មានទូរសព្ទ Android ច្រើនដែលចម្លងស្ទីលក្នុងឆ្នាំនេះ។ មានអេក្រង់លាតពេញ ប៉ុន្តែមិនទាំងស្រុងនោះទេ ជាចំណុចរំខានមួយ របស់អ្នកគាំទ្រ Apple មួយចំនួន។
ក្រុមហ៊ុនចិន បានផលិតជម្រើសកាមេរ៉ាថត Selfie បង្កប់ ដើម្បីលុបចោល Notch ប៉ុន្តែឧបករណ៍ទាំងនោះនៅសល់គែមក្រោម ដែលមិនលាតពេញដូចនឹង iPhone X។ កាមេរ៉ាបង្កប់នេះ ដំណើរការមិនរលូនដល់ Face ID នោះទេ ថែមទាំងអាចប៉ះពាល់ដល់មុខងារការពារជម្រាបទឹក។
មិនយូរនោះទេ Apple នឹងរកវិធីដាក់កាមេរ៉ា TrueDepth និង FaceTime នៅពីក្រោយអេក្រង់។ ឧបករណ៍បំពងសំឡេងខាងមុខ និង Sensor នៅផ្ទៃខាងមុខដទៃទៀត ក៏ត្រូវការស្ថិតនៅពីក្រោយអេក្រង់ដែរ។
ក្រុមហ៊ុន Largan បានបង្កើតស្រទាប់ស្តើងមួយ Pure Black សម្រាប់កាមេរ៉ាមុខ ដែលអាចឲ្យក្រុមហ៊ុនផលិតស្មាតហ្វូន ធ្វើឲ្យកាមេរ៉ាមុខលាក់បាំងពីភ្នែកទទេបាន។ ស្រទាប់ស្តើង Pure Black ថ្មីអាចឲ្យ Lens កាមេរ៉ាបាត់នៅផ្ទៃខាងក្រោយ ប៉ុន្តែមិនមែនជាបច្ចេកវិទ្យា ដែល Apple និងក្រុមហ៊ុនដទៃទៀត អាចប្រើដាក់កាមេរ៉ាក្រោមអេក្រង់នោះឡើយ គ្រាន់តែធ្វើឲ្យមើលលែងឃើញ Lens ប៉ុណ្ណោះ។
បើ Apple បង្កើតអេក្រង់មួយ ដែលអាចឆ្លុះស្ថិតនៅលើកាមេរ៉ា នោះមិនមានតម្រូវការប្រើស្រទាប់ស្តើង Pure Black ឡើយ។ បើតាមវេបសាយ MacRumors ឧបករណ៍ដំបូងប្រើបច្ចេកវិទ្យានេះ អាចមានក្នុងឆ្នាំ ២០២០៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ