លែងពិបាកមើលចំណីធម្មជាតិ ឬអត់ទៀតហើយ ទៅផ្សារ៨នេះ បើឆ្ងល់ មានអ្នកជំនាញចាំឆ្លើយជូន
- 2018-10-03 08:40:00
- ចំនួនមតិ 0 | ចំនួនចែករំលែក 0
លែងពិបាកមើលចំណីធម្មជាតិ ឬអត់ទៀតហើយ ទៅផ្សារ៨នេះ បើឆ្ងល់ មានអ្នកជំនាញចាំឆ្លើយជូន
ចន្លោះមិនឃើញ
អគ្គនាយកដ្ឋានកាំកុងត្រូល បានរៀបចំមន្ត្រីជំនាញ ដែលមានបទពិសោធន៍ឯកទេសជាក់លាក់ ចុះប្រតិបត្តិការ និងប្រចាំការតាមទីផ្សារ គោលដៅសំខាន់ៗ ចំនួន០៨ ក្នុងរាជធានីភ្នំពេញ ដើម្បីឆ្លើយតបបញ្ហាមិនប្រក្រតីនៃទំនិញប៉ះពាល់សុខភាពប្រជាពលរដ្ឋ ។ នេះបើតាមការចុះផ្សាយរបស់ទំព័រហ្វេសប៊ុករបស់ខ្លួននៅថ្ងៃនេះ។
ទំព័រហ្វេសប៊ុកអគ្គនាយកដ្ឋានកាំកុងត្រូល បន្តថាប្រជាពលរដ្ឋនឹងអស់បារម្ភរឿងការពិនិត្យចំណីអាហារដែលសង្ស័យថាគ្មានសុវត្ថិភាព ក្រោយបានរៀបចំមន្ត្រីជំនាញ ដែលមានបទពិសោធន៍ឯកទេសចុះប្រតិបត្តិការ និងប្រចាំការតាមទីផ្សារគោលដៅសំខាន់ៗ ចំនួន០៨ ក្នុងរាជធានីភ្នំពេញ។ ក្នុងនោះមានដូចជា ផ្សារធំថ្មី ផ្សារអូរឫស្សី ផ្សារដើម គរ ផ្សារទួលទំពូង ផ្សារស្ទឹងមានជ័យ ផ្សារជម្ពូវ័ន្ត ផ្សារសេនជូរីផ្លាសា និងផ្សារច្បារអំពៅ ។
ជំហានបន្ទាប់ អគ្គនាយកដ្ឋានកាំកុងត្រូលនឹងឈានទៅរៀបចំនៅតាមបណ្ដាផ្សារគោលដៅសំខាន់ តាមបណ្ដាខេត្ត នៅទូទាំងព្រះរាជាណាចក្រកម្ពុជា ក្នុងពេលឆាប់ៗខាងមុខ ។
សូមបញ្ជាក់ថា សកម្មភាពនេះ គឺដើម្បីដោះស្រាយបញ្ហាមិនប្រក្រតី និងទប់ស្កាត់ទំនិញប៉ះពាល់ ដល់សុខភាពប្រជាពលរដ្ឋ។ អគ្គនាយកដ្ឋានកាំកុងត្រូល នឹងមិនទុកឱកាសឱ្យឈ្មួញ ឬអាជីវករមួយចំនួន ដែលតែងតែប្រព្រឹត្តល្មើស នឹងការណែនាំរបស់មន្ត្រីជំនាញ និងអាចកាត់បន្ថយការព្រួយបារម្ភ របស់អ្នកទទួលទាន និងប្រើប្រាស់ផលិតផល។