ទីបំផុត HyunA និង E'Dawn សម្រេចដើរចេញពីផលិតកម្ម Cube ដោយគ្មានស្រណោះ

2018-10-05 03:08:10
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅថ្ងៃទី ០៥ ខែតុលា មានសេចក្ដីរាយការណ៍មកថា តារាចម្រៀង E'Dawn និង HyunA បានផ្ដាច់ខ្លួនពីផលិតកម្ម Cube ទាំងស្រុងហើយ។ តាមរយៈការដើរចេញនេះដែរ បានចាប់ផ្ដើមមិនបង្អង់យូរតាំងថ្ងៃទី ១៣ ខែកញ្ញា ពោលតាំងពីផលិតកម្មនេះប្រកាសដេញពួកគេម្ល៉េះ។

យ៉ាងណាមិញ បើរម្លឹកទៅកាលពីរឿងកើតឡើង សាមីខ្លួនទាំង ២គឺ E'Dawn និង HyunA ប្រាប់ថាពួកគេដឹងខ្លួន ត្រូវបានបណ្ដេញតាមរយៈសារព័ត៌មានទៅវិញ។ ប៉ុន្មានម៉ោងក្រោយ ផលិតកម្ម Cube ក៏បានបង្វែរសម្ដីរបស់ខ្លួន ដោយប្រកាសថាគ្រប់យ៉ាងមិនទាន់បានសម្រេច។

ទីបំផុតពេលនេះ គូស្នេហ៍ HyunA និង E'Dawn ក៏បានចាកចេញដោយគ្មានស្រណោះពីផលិតកម្មនេះ។ ប្រភពខាងក្នុងក៏បានបង្ហើបដែរថា៖ "ពួកគេពិតជារងនូវការឈឺចាប់ណាស់ នៅពេលផលិតកម្ម Cube ដេញពួកគេទាំងគ្មានឲ្យតម្រុយ ឬផ្ដល់ព័ត៌មានមុន។ ផលិតកម្ម Cube បញ្ជាក់ថា ខ្លួនស្ដាប់មតិរបស់តារាពួកគេ ប៉ុន្តែទំនាក់ទំនងរវាងភាគីទាំងសង្ខាង ហាក់ដូចជាមិនល្អសោះ។ ដូចនេះវាជារឿងពិបាកក្នុងការដោះស្រាយបញ្ហា។ កុងត្រារបស់ HyunA និង E'Dawn នឹងបញ្ចប់ក្នុងពេលឆាប់ៗ ដូចេ្នះបញ្ហាមួយចំនួនក៏នឹងត្រូវបានដោះស្រាយដោយឯកឯងដែរ”៕