ច្បាស់ការ! អ៊ីអន ៣ នឹងបង្ហាញខ្លួននៅឆ្នាំ ២០២៣ ខាងត្បូងក្រុងភ្នំពេញ
- 2018-10-06 08:41:28
- ចំនួនមតិ 0 | ចំនួនចែករំលែក 0
ច្បាស់ការ! អ៊ីអន ៣ នឹងបង្ហាញខ្លួននៅឆ្នាំ ២០២៣ ខាងត្បូងក្រុងភ្នំពេញ
ចន្លោះមិនឃើញ
ក្រុមហ៊ុន អ៊ីអន ម៉ល (AEON) របស់ជប៉ុន បានប្រកាសថា ផ្សារទំនើបទី ៣ របស់ខ្លួននឹងមានវត្តមាននៅកម្ពុជាឆាប់ៗនេះហើយ ដោយមានទីតាំងស្ថិតនៅ ING City ដែលជាគម្រោងអភិវឌ្ឍធំបំផុតក្នុងរាជធានីភ្នំពេញ។
AEON 3 នឹងគ្របដណ្ដប់លើផ្ទៃដីទំហំ ១៨ ហិកតា ហើយផ្សារទំនើបនេះ គ្រោងនឹងបើកទ្វារដំណើរការនៅឆ្នាំ ២០២៣ ខាងមុខ ព្រមទាំងក្លាយជាផ្សារទំនើបធំជាងគេបំផុតនៅស្រុកខ្មែរ បើគិតមកត្រឹមពេលនេះ។
ប្រធានអគ្គនាយកក្រុមហ៊ុន អាយអិនជី ហូលឌីង លោកឧកញ៉ា អ៊ឹង ប៊ុនហ៊ូវ បានឲ្យដឹងថា ក្រុមហ៊ុនលោកបានទទួលគោលការណ៍ពីរាជរដ្ឋាភិបាលក្នុងការអភិវឌ្ឍគម្រោងពង្រីកភាគខាងត្បូងភ្នំពេញ ដោយមានផ្ទៃដី ២ ៥៧២ហិកតា ដែលក្រុមហ៊ុនចង់ប្រមូលផ្ដុំរវាងសកម្មភាពផ្សារទំនិញ ភាពកំណើនការងារ និងទីតាំងកម្សាន្តក្នុងកន្លែងតែមួយ។
ING City បានចាប់ផ្ដើមសិក្សាផែនការមេរបស់ខ្លួននៅឆ្នាំ ២០០៧ និងបានអនុម័តនៅថ្ងៃទី ៧ កក្កដា ២០១៤ ហើយនៅដើមខែមេសា ២០១៧ មហាវិថីសម្ដេចតេជោ ហ៊ុន សែន ដែលមានប្រវែង ៩ ១៦០ម៉ែត្រ និងទទឹងផ្លូវ ៦០ម៉ែត្រ បានបើកសម្ពោធឲ្យប្រើប្រាស់ជាសាធារណៈ៕