កម្មវិធី Messenger នឹងមានមុខងារអាចលុបសារបានពិតៗ

2018-10-14 02:38:23
ចំនួនមតិ 0 | ចំនួនចែករំលែក 0

ចន្លោះមិនឃើញ

បច្ចុប្បន្ននេះនៅលើកម្មវិធី Messenger អ្នកប្រើប្រាស់អាចមានសិទ្ធលុបសារដែលផ្ញើចេញទៅបាន ប៉ុន្តែសារនៅតែបង្ហាញក្នុងប្រអប់ Chat របស់អ្នកទទួល។ ពេលនេះគេបានប្រទះឃើញថា Facebook កំពុងសាកល្បងមុខងារថ្មី អាចឲ្យអ្នកប្រើប្រាស់លុបសារបានពិតៗ។

រូបភាពប៉ុន្មានសន្លឹកដែលបានលេចចេញថ្មីៗនេះបានសន្និដ្ឋានថា Facebook មានគម្រោងនឹងបង្កើតមុខងារមួយឈ្មោះថា Unsend Message សម្រាប់ដាក់លើកម្មវិធី Messenger។ ដើម្បីប្រើប្រាស់មុខងារនេះ ត្រូវចុចឲ្យជាប់លើសារណាមួយ នោះនឹងឃើញមានជម្រើសចំនួនពីរ ក្នុងនោះមាន Unsend Message និង Delete Message។

Unsend Message នឹងលុបសារដែលអ្នកបានផ្ញើទៅចេញពីប្រអប់ Chat របស់អ្នក រួមទាំងប្រអប់ Chat អ្នកដែលអ្នកបានផ្ញើសារទៅ។ ចំណែក Delete Message វិញ គ្រាន់តែលុបសារចេញពីប្រអប់ Chat របស់អ្នកតែប៉ុណ្ណោះ។

ខណៈពេលនេះ គេមិនដឹងច្បាស់ថាមុខងារថ្មីនឹងដាក់ឲ្យប្រើប្រាស់នៅពេលណានោះទេ។ ដូចនេះមុននឹងផ្ញើសារចេញទៅត្រូវគិតគូរឲ្យច្បាស់សិន កុំឲ្យស្ដាយក្រោយ៕

ចុចអាន៖

ប្រភព៖ PhoneArena ប្រែសម្រួល៖ សុខហេង