Maradona ៖ Messi មិនសមជាប្រធានក្រុមជម្រើសជាតិទេព្រោះចូលបន្ទប់ទឹកញឹកពេក

2018-10-14 03:00:35
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាឆ្នើម Barcelona ត្រូវបានប្រគល់តួនាទីឲ្យធ្វើជាប្រធានក្រុមជម្រើសជាតិ ប៉ុន្តែវីរបុរសអាហ្សង់ទីន Diego Maradona និយាយថា Lionel Messi មិនសមជាប្រធានក្រុមទេ ដោយចោទខ្សែប្រយុទ្ធរូបនោះថា "ចូលបន្ទប់ទឹក២០ដងមុនការប្រកួត"។ នេះបើតាម Goal ចុះផ្សាយកាលពីថ្ងៃសៅរ៍។

Messi វ័យ៣១ឆ្នាំ បានចំណាយពេលជាង១ទសវត្សរ៍ក្នុងនាមជាកំពូលកីឡាករ ហេតុដូច្នេះម្ចាស់ពាន Ballon d'Or ៥សម័យកាលទទួលរងសម្ពាធខ្លាំងក្នុងការដឹកនាំក្រុមជម្រើសជាតិអាហ្សង់ទីននៅប៉ុន្មានឆ្នាំចុងក្រោយនេះ។

Maradona ជឿជាក់ថា Messi មិនមែនជាជម្រើសត្រឹមត្រូវសម្រាប់អាហ្សង់ទីនឡើយ ព្រោះគេខ្វះជំនាញផ្ទាល់ខ្លួនក្នុងការជំរុញកូនក្រុមឲ្យប្រឹងដូចខ្លួន។

“Messi គឺជាកីឡាករដ៏អស្ចារ្យប៉ុន្តែគាត់មិនមែនជាអ្នកដឹកនាំទេ"។ Maradona បាននិយាយ។ "សម្រាប់ខ្ញុំវាពិបាកក្នុងការនិយាយ ប៉ុន្តែវាគ្មានប្រយោជន៍ទេក្នុងការរើសអ្នកដឹកនាំម្នាក់ចេញពីបុរសដែលចូលបន្ទប់ទឹក ២០ ដងមុនការប្រកួត"។

Messi មិនអាចជួយក្រុមជម្រើសជាតិ ក្រោយធ្លាក់ត្រឹមវគ្គ១៦ក្រុមចុងក្រោយនៅព្រឹត្តិការណ៍ World Cup នៅប្រទេសរុស្ស៊ី៕

ប្រភព៖ Goal ប្រែសម្រួល៖ សុខ លាងហ៊ត