Samsung ដៀមដាមដាក់ Pixel 3 មានក្បាលឆកអាចចុះយន្តហោះបាន

2018-10-19 01:57:47
ចំនួនមតិ 0 | ចំនួនចែករំលែក 0

ចន្លោះមិនឃើញ

Samsung ប្រហែលទទួលបានផលពី Android ធំបំផុតពីក្រោយ Google ប៉ុន្តែមិនបានន័យថាក្រុមហ៊ុនផលិតស្មាតហ្វូនរបស់កូរ៉េមួយនេះមិនរិះគន់ទូរសព្ទចុងក្រោយរបស់ Google នោះទេ។

Samsung បានចាប់ផ្តើមចំអកចំពោះ Pixel 3 និងចំណុចក្បាលឆក (Notch) របស់ម៉ូដែល XL។

Google ជាក្រុមហ៊ុនចុងក្រោយ ចូលរួមជាមួយរូបរាង iPhone X ដែរ ដោយបង្កើតជំនាន់ក្បាលឆក (មិនត្រូវចិត្តសម្រាប់មនុស្សភាគច្រើន) ដោយមានកាមេរ៉ាមុខពីរ ក៏ដូចជា Speaker ខាងមុខមួយ។

You could land a plane on it.
— Samsung Mobile US (@SamsungMobileUS) October 9, 2018

Note 9 ធំប៉ុន Pixel 3 XL ដែរ ដូចនេះចំណុចថា អាចចតយន្តហោះបាន គឺ Notch នេះឯង។ ហើយ Samsung ទំនងជាក្រុមហ៊ុនផលិតទូរសព្ទ Android ដ៏សំខាន់មួយ ដែលមិនចម្លងពី iPhone X។

មានចំណុចមួយសំខាន់ទាក់ទងនឹងស្មាតហ្វូន Samsung អាចពិបាកឈានមុខគេគឺ Software។ Samsung ពឹងលើ Android របស់ Google ដើម្បីទទួលបានភាពលេចធ្លោ។ បើចង់ប្រើទូរសព្ទ Android Pie ភ្លាមៗមុនគេ ប្រហែលជាត្រូវបំភ្លេចអេក្រង់ប្រភេទ Infinity Displays ហើយចាប់យកអំបូរ Pixel ទាំងនេះ៕