តារាសម្ដែងជើងចាស់សាក់ស៊ី ស្បោង ស្កាត់ពីបរទេសមកគោរពខួប៦ឆ្នាំ សម្ដេចព្រះបរមរតនកោដ្ឋ
- 2018-10-15 07:00:19
- ចំនួនមតិ 0 | ចំនួនចែករំលែក 0
តារាសម្ដែងជើងចាស់សាក់ស៊ី ស្បោង ស្កាត់ពីបរទេសមកគោរពខួប៦ឆ្នាំ សម្ដេចព្រះបរមរតនកោដ្ឋ
ចន្លោះមិនឃើញ
តារាសម្ដែងជើងចាស់ អំឡុងទសវត្ស ៦០ អ្នកស្រី សាក់ស៊ី ស្បោង បានស្កាត់ពីប្រទេសអេស្ប៉ាញ មកកម្ពុជា ដើម្បីចូលរួមគោរព ខួប៦ឆ្នាំនៃការយាងចូលទិវង្គតនៃព្រះមហាវីរក្សត្រ ព្រះបាទនរោត្តមសីហនុ សម្ដេចព្រះបរមរតនកោដ្ឋ នៅថ្ងៃនេះ។
បើតាម Page ក្រុមព្រះសុរិយា ឲ្យដឹងថាលោកស្រីអញ្ជើញមកប្រទេសកម្ពុជាក្នុងគោលបំណងដ៏សំខាន់គឺមកថ្វាយ បង្គំព្រះបរមចេតិយនៃសម្ដេចព្រះបរមរតនកោដ្ឋនិងផ្សាយនូវមហាកុសលថ្វាយ ព្រះមហាក្សត្រ ដែលព្រះអង្គមានគុណបំណាច់លើសលប់សម្រាប់មាតុប្រទេស។ នេះមិនមែនជាលើកទី១ឡើយ ដោយកាលឆ្នាំមុន អ្នកស្រីក៏បានចូលរួមគោរពពិធីចូលទីវង្គតរបស់ព្រះបរមរតនកោដ្ឋផងដែរ។
អ្នកស្រី សាក់ស៊ី ស្បោង បានចូលប្រលូកសិល្បៈដំបូងនៅឆ្នាំ១៩៦៣ ដោយនិយមសម្ដែងជាតួឆ្នាសឆ្នើម សិចស៊ី ហើយរឿងដំបូងរបស់អ្នកស្រី ចំណងជើងថា "បក្សីឋានសួគ៌"។ ខ្សែរឿងផ្សេងៗ មានដូចជា រឿង "អប្សរា" រឿង "រស់ដោយសប្បាយ" រឿង "ព្រះប្រជាកុមារ" រឿង "វិលវិញណាបង" រឿង "លោហិតវាសនា" រឿង "សែនទារុណ" ជាដើម ៕