ក្លឹបធំៗនៅបារាំង កំពុងប្រជែងយុវជនវ័យ១៣ឆ្នាំម្នាក់របស់កម្ពុជា
- 2018-10-17 06:19:34
- ចំនួនមតិ 0 | ចំនួនចែករំលែក 0
ក្លឹបធំៗនៅបារាំង កំពុងប្រជែងយុវជនវ័យ១៣ឆ្នាំម្នាក់របស់កម្ពុជា
ចន្លោះមិនឃើញ
ជៀន ហ្វីលីព យុវជនវ័យ១៣ឆ្នាំ កំពុងហ្វឹកហាត់កីឡាបាល់ទាត់នៅបារាំង ហើយមានក្លឹបជាច្រើនកំពុងចាប់អារម្មណ៍លើរូបគេ។
បើតាមគណនីរបស់ Ponley Town ជៀន ហ្វីលីព បច្ចុប្បន្នមានវ័យ១៣ឆ្នាំហើយ។ រូបគេមានទម្រង់លេងយ៉ាងល្អនៅប្រទេសបារាំង ហើយមានក្លឹបនៅលីគកំពូលប្រទេសនេះដូចជា Stade De REIMS, Nantes និង Lille ជាដើមកំពុងចាប់អារម្មណ៍ចង់បានកីឡាករកម្ពុជារូបនេះ។ ឪពុករបស់គេឈ្មោះថា សឹង សុភ័ណ្ឌ (ហៅដឺ) មានស្រុកកំណើតនៅភូមិស្វាយគយ ឃុំពន្លៃ ស្រុកបរិបូណ៌ ខេត្តកំពង់ឆ្នាំង។
លោក បាននឹងកំពុងពិចារណាចំពោះអនាគតរបស់កូនខ្លួន ថាតើគួរទៅលេងនៅឯណា នៅពេលមានក្លឹបច្រើនចង់បានដូច្នេះ។ ស្របពេល ហ្វីលីព វិញនៅក្មេង ខ្លាចគេ មិនទាន់រឹងមាំ និងសាមីខ្លួនមិនចង់រស់នៅឆ្ងាយពីគ្រួសារនៅឡើយ។ ប្រសិនបើ រូបគេបន្ដធ្វើបានយ៉ាងល្អដូច្នេះទៀត ហើយអាចមានឱកាសបានទៅហ្វឹកហាត់ជាមួយក្រុមធំៗ អនាគតប្រាកដជាល្អមិនខាន។
ហ្វីលីព ជាកូនខ្មែរ កើតនៅបារាំង និងជាអ្នកស្រលាញ់កីឡាបាល់ទាត់ពិតប្រាកដ។ រូបគេចូលហ្វឹកហាត់បាល់ទាត់តាំងពីតូច ហើយបច្ចុប្បន្នកំពុងហាត់ជាមួយក្រុម F.C.M GARGES នៅបារាំង៕