រឿង "100 Days My Prince” មានការគាំទ្រលើសរំពឹង តួទាំងអស់នាំគ្នារាំឲ្យមើលតាមសន្យា

2018-10-17 09:22:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាពយន្តភាគបុរាណរបស់ទូរទស្សន៍ tvN មានចំណងជើងថា "100 Days My Prince” បានទទួលជោគជ័យធំលើសការរំពឹងទុក ជាហេតុធ្វើឲ្យតួសម្ដែងទាំងអស់ធ្វើតាមសន្យា។

តាំងពីភាគទី ១ តារាសម្ដែងក្នុងរឿងបានសន្យាថា ប្រសិនបើរឿងនេះមានការគាំទ្រច្រើនកើនឡើងរហូតទៅដល់ ១០ភាគរយ ពួកគេនឹងសម្ដែងក្បាច់រាំឲ្យមើល។ ជាក់ស្ដែងដល់ភាគទី ១០ បញ្ចាំងកាលពីថ្ងៃទី ០៩ ខែតុលា រឿងភាគនេះកើនលើសការរំពឹងទុក គឺ ១០,៣ភាគរយឯណោះ ដូចនេះតួអង្គទាំងអស់ក៏បានធ្វើអ្វីដែលពួកគេបានសន្យា។

D.O តារាចម្រៀងក្រុម EXO ដែលជាតួឯកក្នុងរឿង រួមជាមួយតារាសម្ដែងរួរឿងផ្សេងទៀតដូចជា Nam Ji Hyun, Kim Sun Ho, Han So Hee, Lee Jun Hyuk, Kim Ki Doo, Lee Min Ji, និង Jung Soo Kyo បានមកជុំគ្នានៅបន្ទប់ហាត់រាំ។ D.O បានបង្រៀនគ្រប់គ្នារាំបទចម្រៀងប្រចាំក្រុមដែលទទួលបានការគាំទ្រភ្លូកទឹកភ្លូកដី "Growl” យ៉ាងសប្បាយរីករាយ។ ក្រោយចេះគ្រប់ក្បាច់ហើយ ទាំងអស់គ្នាក៏ចាប់ផ្ដើមរាំ ល្អមើលជាចំណីអារម្មណ៍ដល់អ្នកគាំទ្រ ពិសេសជាការអរគុណសម្រាប់ការស្រឡាញ់តាមដានរឿង "100 Days My Prince”៕

ទស្សនាវីដេអូដូចខាងក្រោម៖