នារីៗប្រាប់លម្អិតពី សញ្ញាល្បិចថ្មីរបស់ជនខិលខូច ពេលជិះម៉ូតូបន្លំមកប៉ះហើយទាមទារសំណង
- 2018-10-21 04:47:21
- ចំនួនមតិ 0 | ចំនួនចែករំលែក 0
នារីៗប្រាប់លម្អិតពី សញ្ញាល្បិចថ្មីរបស់ជនខិលខូច ពេលជិះម៉ូតូបន្លំមកប៉ះហើយទាមទារសំណង
ចន្លោះមិនឃើញ
នារីៗ ដែលធ្លាប់ត្រូវបានជនខិលខូចប៉ុនប៉ងធ្វើបាប ខណៈដែលខ្លួនកំពុងធ្វើដំណើរជិះម៉ូតូតាមផ្លូវ ពួកគេបានបង្ហោះសារត្រៀមត្រាលើបណ្ដាញសង្គមហ្វេសបុកអំពីល្បិចថ្មីរបស់ជនខិលខូច ដែលប្រើដើម្បីបានផលចំណេញ។ ដែលនេះជាចែករំលែកដល់សាធារណជន ជាពិសេសមនុស្សស្រីដទៃ ដែលធ្វើដំណើរតែម្នាក់ឯង មិនថាពេលយប់ ឬពេលថ្ងៃ គួរប្រុងប្រយ័ត្នសញ្ញាណមួយចំនួនរៀបរាប់នៅខាងក្រោម៖
សារខ្លីមួយដែលយុវតីមួយរូបមានគណនីឈ្មោះថា Srey Nich បានចែករំលែកកាលពីកន្លងទៅ ដោយរៀបរាប់ថា៖
“ថ្ងៃនេះ ខ្ញុំចេញពីសាលាម៉ោង ៨៖៣០ យប់, ពេលជិះឆ្លងស្តុបតម្រង់មកផ្ទះ មានអាយួនមួយនោះជិះអាស៊ុយការ៉េ ជិះមកជិតៗ ហើយសួរខ្ញុំថាជិះមានមើលក្រោយអត់។ ហេតុតែមិនយល់ថានិយាយអ្វី ក៏ឈប់ម៉ូតូ(នៅផ្លូវកម្ពុជាក្រោម) ហើយមើលមុខវាក៏សួរថា បងនិយាយអី ខ្ញុំមិនយល់។
វាថាខ្ញុំជិះប៉ះម៉ូតូវាធ្វើឲ្យខូចស្នាមម៉ូតូវាអីឯណា ទាំងដែលម៉ូតូវាកញ្ចាស់ស្រាប់។ ខ្ញុំមិនដឹងថាវាកុហកឬអត់ទេ ក៏សួរវាថាវាដួលមិនមែន តែតាមពិតខ្ញុំមិនបានលឺសំឡេងអីទេ។ វាអះអាងថាវាដួលហើយឲ្យខ្ញុំចុះពីម៉ូតូទៅមើលម៉ូតូវា តែខ្ញុំមិនចុះដាច់ខាត។
វាថាខ្ញុំឬក ហើយពោលពាក្យគំរាមថាទៅប៉ុស្តិ៍ប៉ូលិសហើយឲ្យខ្ញុំតេហៅប៉ាខ្ញុំរហូត ដោយហេតុថាយប់ហើយក៏មិនចង់មានរឿងច្រើន ខ្ញុំក៏និយាយសុំទោសទៅបើថាខ្ញុំប៉ះ។ វាឃើញខ្ញុំចឹង កាន់តែបានចិត្ត វាឲ្យខ្ញុំគិតគូរលុយឲ្យវាតិចតួច ខ្ញុំក៏ថាខ្ញុំអត់លុយទេ។ ហើយវាខឹងនិយាយពាក្យគំរាមកំហែងថែមសុទ្ធតែជិះបុកម៉ូតូខ្ញុំវិញហើយសងលុយខ្ញុំអីណា។
ដោយហេតុថាខឹងពេក ហើយវាទារឲ្យសង ខ្ញុំក៏ចាប់ផ្ដើមសង្ស័យ (លើកទី ១ ដែលជួបចឹង) ខ្ញុំក៏និយាយថាឲ្យវាបុកម៉ូតូខ្ញុំវិញទៅ ព្រោះខ្ញុំគ្មានលុយឲ្យវាទេ(ដាច់ខាតអត់ដករបស់ចេញពីកាតាបទេ)។ វានៅតែនិយាយទារឲ្យខ្ញុំសងវា ដោយសារតែកាន់តែខឹង និងសង្ស័យខ្លាំង ខ្ញុំក៏ថាឲ្យទៅដោះស្រាយជាមួយប៉ូលិសហើយខ្ញុំក៏ជិះលឿនចេញពីវា។
វាជិះតាមហើយវាខឹងខ្ញុំខ្លាំងដែលទារលុយមិនបាន។ ដល់ឈប់ស្តុបណានជីង ខ្ញុំជិះទៅជិតអ្នកផ្សេង ហើយវារកឲ្យខ្ញុំជិះទៅប៉ុស្តិ៍ប៉ូលិសនៅឯណាទេ។ ខ្ញុំថាអត់។ ខ្ញុំថានៅខាងមុខមានប៉ុស្តិ៍ទៅដោះស្រាយហ្នឹងទៅ វាខឹងធ្វើអ្វីមិនបាន ព្រោះជុំវិញសុទ្ធតែមនុស្សណាមួយខ្ញុំនិយាយលឺៗផង វាក៏យកសោម៉ូតូវាវាយលើកុងទ័រម៉ូតូខ្ញុំ តែអត់មានបែកអីទេ។ ខ្ញុំមើលមុខវា ហើយដល់ស្តុបខៀវ ខ្ញុំក៏ជិះទៅ។ ពេលមើលកញ្ចក់ក្រោយ វាអត់មកតាមទេ។ ខ្ញុំមកដល់ប៉ុស្តិ៍ជិតផ្ទះ ខ្ញុំក៏ឈប់មើលវា វាអត់មកតាមទេ កាន់តែធ្វើឲ្យខ្ញុំកាន់តែច្បាស់ថាវាឆបោក”។
តាមរយៈហេតុការណ៍នេះឪពុករបស់ម្ចាស់គណនីខាងលើបានណែនាំថា ៖
ងាកមកយុវតីមួយរូបទៀតគណនីហ្វេសបុកឈ្មោះ Monykeo Horn ដែលបានជួបហេតុការណ៍នេះ បានប្រាប់ពីសញ្ញាជនខិលខូចទាំងនោះថា៖
" សូមបងប្អូនទាំងអស់គ្នាមានការប្រុងប្រយ័ត្នប្រហែលជាម៉ោង4រសៀល មានមនុស្សម្នាក់បានជិះម៉ូតូតាមនារីម្នាក់(ត្រូវជាភ្ញៀវរបស់ហាងកាហ្វេ Amazon western TK) មិនដឹងថាគាត់ចង់មានបំណងអ្វីទេ គាត់ជិះតាមនារីតាំងពីរង្វង់មូលអង់តែនទួលគោក រហូតមកដល់ Amazon westernTk នារីដែលត្រូវគាត់ដេញជិះម៉ូតូតែម្នាក់ឯងទេ ក៏មានបុរសម្នាក់ អាយុត្រឹមខ្ទង់ម្ភៃ មិនបាន ពាក់មួកសុវត្ថិភាពទេ ជិះម៉ូតូអាសង់ការេពណ៌ក្រហម ថ្ងាសមានស្នាមដូចគេកាប់ គាត់បានជិះមកជិតនារីនោះ ហើយនិយាយថា ហែងជិះម៉ូតូអត់ចេះមើលគេមើលឯងទេអី ជិះខុសគេ ជិះប៉ះបងឲ្យដួលហើយ ហែងនៅអត់ដឹងទៀត ឲ្យគាត់ឈប់ម៉ូតូចូលគៀននិយាយគ្នាសិន នារីដែលត្រូវជាភ្ញៀវហាងរបស់ខ្ញុំក៏មិនព្រម ហើយនិយាយប្រាប់ថាខ្ញុំរវល់ មានការប្រញាប់ណាស់ ហើយក៏ជិះទៅមុខទៀតរហូតដល់ហាងកាហ្វេAmazon western TK គាត់នុះក៏តាមនារីនុះ ដល់មានការទាស់ទែងដល់ថ្នាក់ទារលុយសង១០ដុល្លារទាំងដែលគាត់អត់បានបុកត្រូវម៉ូតូវាសោះ ហើយនៅចង់ចង់ហៅប៉ូលីសមកចរចារទៀត យីអានេះខ្លាំងផង។
លុះដល់ពេលខ្ញុំចេញទៅមើលថាមានរឿងអីកើតឡើង ក៏ឃើញភិនភាគបុរសនុះដូចដែរភិនភាគគេផ្អើលបុរសនឹងពេញ Facebook ឃើញថាបុរសនឹងមើលទៅអត់ខុសប្លែកដូចដែលគេបានផុសក្នុង Facebook ខាងបុគ្គលិកយើងខ្ញុំក៏ជួយនិយាយ និយាយយូរទៅឡប់ឡែរអស់ ក៏ហៅសន្តិសុខដេញផះក្រញុាំ។ សូមប្រុងប្រយ័ត្នទាំងអស់គ្នាទៅ ល្បិចនេះឡូយដល់ហើយ ទៅណាមកណាកុំជិះតែម្នាក់ឯងអី ជាពិសេសផ្លូវស្ងាត់ កុំថាឡើយពេលយប់ វា ហ៊ានធ្វើសកម្មភាពទាំងថ្ងៃចែសតែម្តង។សូមមេត្តាប្រុងប្រយ័ត្នទាំងអស់គ្នាណា" ។
បន្ទាប់ពីមានការចែករំលែកហូរហែពីរឿងនេះដែរ មានអ្នកលេង Facebook មួយចំនួន ជាពិសេសនារីៗឯទៀត ក៏បានចេញមុខមកនិយាយថា ពួកគេក៏ធ្លាប់ជួបហេតុការណ៍ដូចគ្នានឹងម្ចាស់គណនីខាងលើដែរ។ ដូចនេះអ្នកដែលធ្វើដំណើរតាមម៉ូតូ មិនថាពេលយប់ ឬថ្ងៃ គួរមានការប្រុងប្រយ័ត្នខ្ពស់ និងត្រូវគិតឲ្យបានជ្រៅពេលជួបហេតុការណ៍ណាមួយ៕