Isco ថា បើដេញ Lopetegui នោះគឺត្រូវតែដេញក្រុម Real Madrid ទាំងមូលដែរ

2018-10-22 13:38:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីមានព័ត៌មានពីការបណ្ដេញគ្រូបង្វឹកក្លឹប Real Madrid កីឡាករសញ្ជាតិអេស្ប៉ាញ Isco បានលើកឡើងថាលោក Lopetegui មានភាពជោះជាក់ចំពោះកូនក្រុម ហើយកីឡាកររូបនេះថែមទាំងអះអាងថាវាជារឿងដ៏ឆ្កួតមួយបើមានការផ្លាស់ប្ដូររូបគាត់នៅក្នុងរដូវកាលនេះ។

Isco បាននិយាយថា៖ " ខ្ញុំមិនជឿថាពួកសារព័ត៌មានមានអំណាចក្នុងការបណ្ដេញគ្រូបង្វឹករបស់យើងទេ(Julen Lopetegui)។ រឿងរ៉ាវច្របូកច្របល់ដែលពួកអ្នកប្រឌិតមក គឺមិនពិតទេ។ ពួកយើងជឿជាក់លើបុគ្គលិកទាំងអស់ដែលបានធ្វើការជាមួយគ្នា " ។

ខ្សែបម្រើជម្រើសជាតិអេស្ប៉ាញរូបនេះបានបន្តថា៖ '' គ្រូរបស់យើងមានភាពជឿជាក់លើកូនក្រុម ហើយវាជារឿងដ៏ឆ្កួតមួយក្នុងការដេញគាត់ចេញ ។ បើអ្នកដេញគាត់ នោះអ្នកក៏ត្រូវដេញពួកយើងដែរ ព្រោះអីវាមិនមែនជារឿងរបស់គ្រូបង្វឹកតែម្នាក់ឯងនោះទេ តែវាជារឿងរបស់ទាំងអស់គ្នា " ។

យ៉ាងណាមិញ ក្លឹប Real Madrid បានជួបកំណត់ត្រាដ៏អាក្រក់មួយក្នុងរយៈពេលចុងក្រោយនេះ ដោយមិនទាន់ស្គាល់ជ័យជម្នះឡើយក្នុង ៥ប្រកួតនេះ។ ហេតុការណ៍នេះហើយទើបមានពាក្យចចាមអារ៉ាមមួយចំនួនសាយភាយថា Lopetegui អាចនឹងបណ្ដេញចេញនៅមុនពេលប្រកួតក្នុង UCL ប៉ះនឹង ក្លឹបViktoria Plzen ឬក៏យ៉ាងយូរណាស់មុនប្រកួត El Clasico៕

ប្រភព៖ Sports Keeda ប្រែសម្រួល៖ ហ៊ីម រស្មី