ONE Championship បង្ហាញសមាជិកថ្មី ដែលជាអតីតជើងខ្លាំងរបស់ UFC

2018-10-23 03:28:27
ចំនួនមតិ 0 | ចំនួនចែករំលែក 0

ចន្លោះមិនឃើញ

ជើងខ្លាំងដែលធ្លាប់ប្រលូកក្នុងទ្រុងក្នុងកម្មវិធី UFC, Eddie Alvarez បានយល់ព្រមចុះកុងត្រាចូលរួមជាមួយព្រឹត្តិការណ៍ ONE Championship ហើយបានប្រកាសជាផ្លូវការកាលពីថ្ងៃទី១៦ ខែតុលា ឆ្នាំ២០១៨។

បុរសវ័យ ៣៤ ឆ្នាំរូបនេះ ជាកីឡាករកម្រិតពិភពលោកមួយរួប ដែលត្រូវបានគេទទួលស្គាល់ថា មានកម្រិតក្បាច់គុនខ្ពស់កម្រិតពិភពលោក។ Eddie Alvarez បានបង្ហាញចេតនាចូលរួមព្រឹត្តិការណ៍ ONE Championship បន្ទាប់ពីបញ្ចប់ការប្រកួតក្នុងព្រឹត្តិការណ៍ពិភពលោកលើកទី៣របស់ខ្លួន។

Alvarez ចូលរួមក្នុងព្រឹត្តិការណ៍ខាងលើចំពេលដែលប្រភេទទម្ងន់ Lightweight Division (ទម្ងន់ស្រាល) នេះនៅទំនេរមិនទាន់មានអ្នកគ្រប់គ្រង ខណៈដែលមានជើងខ្លាំង៣រូបកំពុងរង់ចាំប្រកួតប្រជែងដណ្ដើមបល្ល័ង្កនេះ។

Eddie Alvarez កើតនៅហ្វីលីពីន មានសញ្ជាតិអាមេរិក ជាអតីតជើងខ្លាំងរបស់ UFC ធ្លាប់ឡើងសង្វៀនបានចំនួន ៣៦ លើកឈ្នះ ២៩ ក្នុងនោះចំណោមការឈ្នះរបស់គេក៏ធ្លាប់ផ្ដួលដៃគូចំនួន ១៦ លើកផងដែរ៕

អត្ថបទ៖ ស្រី សុវណ្ណដារ៉ា