វិភាគ! Man Utd និង Juventus យប់នេះ

2018-10-23 07:32:58
ចំនួនមតិ 0 | ចំនួនចែករំលែក 0

ចន្លោះមិនឃើញ

បិសាចក្រហម Manchester United នឹងត្រូវបើកទ្វារផ្ទះរបស់ខ្លួន Old Trafford ដើម្បីស្វាគមន៍ជើងខ្លាំងរបស់អ៊ីតាលីសេះបង្កង Juventus នាវេលាម៉ោង ២:០០ នាទីយប់នេះក្នុងការប្រកួតសន្សំពិន្ទុតាមពូល H នៃព្រឹត្តិការណ៍ UEFA Champions League ២០១៨-២០១៩។

Ronaldo នឹងទៅចូលរួមការប្រកួតរវាងក្រុមទាំងពីរខាងលើ។ Juventus ជាក្រុមកំពុងស្ថិតនៅលើគេក្នុងតារាងនៃពូល H ដោយឈ្នះទាំងពីរប្រកួតក្នុងចំណោម ២ ប្រកួតកន្លងមក។ ស្របពេលដែល United មាន ៤ ពិន្ទុស្ថិតនៅលេខ ២ ដោយធ្វើបានត្រឹមស្មើគ្នា ០-០ ជាមួយ Valencia កាលប្រកួតចុងក្រោយរបស់គេនៅ UCL ។

- អំពី Manchester United ៖

យប់នេះ Anthony Martial ត្រូវបានគេរំពឹងបង្ហាញខ្លួនក្នុងជម្រើស ១១ នាក់ដំបូង បន្ទាប់ពីររកបាន ២ គ្រាប់កាលប្រកួត ២-២ ទល់ Chelsea ។ ខ្សែប្រយុទ្ធ Romelu Lukaku កំពុងមានទម្រង់មិនសូវល្អ បន្ទាប់ពីខកខានរកគ្រាប់បាល់បានជាច្រើនសប្ដាហ៍។ បើគិតត្រឹមពេលនេះ Romelu Lukaku រកបាន ៤ គ្រាប់ក្នុងការប្រកួតទាំងអស់ទាំងនៅ EPL និង UCL។

ខ្សែបម្រើ Jesse Lingard, Diogo Dalot និងខ្សែការពារ Marcos Rojo មិនអាចចូលលេងបាន ស្របពេល Scott McTominay និង Marouane Fellaini ស្ថិតក្នុងមន្ទិល។ Fred ត្រូវបានគេមើលឃើញថា មានភាពប្រសព្វនៅតំបន់បម្រើ ប៉ុន្តែ Juan Mata ហាក់បង្ហាញទម្រង់លេងគួរឲ្យចាប់អារម្មណ៍កាលប៉ះ Chelsea ។ ដូច្នេះ Mata នឹងត្រូវចាប់ដៃគូជាមួយ Nemanja Matic និង Paul Pogba រាប់រងនៅតំបន់បម្រើទាំងស្រុង។

ដូចនេះជម្រើស ១១ នាក់របស់ Manchester United អាចជា៖ De Gea; Valencia, Smalling, Lindelof, Shaw; Mata, Matic, Pogba; Sanchez, Lukaku និង Martial ។

- អំពី Juventus ៖

Ronaldo នឹងបង្ហាញខ្លួនក្នុងជម្រើស១១នាក់ដំបូងយប់នេះ។ អតីតកីឡាកររបស់ Liverpool, Emre Can មិនបានបង្ហាញខ្លួនឡើយ ដោយសារបញ្ហាក្រពេញទីរ៉ូអ៊ីត។

ខ្សែការពារកណ្ដាលឆ្នើម Giorgio Chiellini ដែលមិនបានដាក់ឲ្យលេងកាលចុងសប្ដាហ៍ និងខ្សែបម្រើឆ្នើម Dybala ដែលដាក់ឲ្យលេងនៅចុងវគ្គទី២ កាលពីចុងសប្ដាហ៍ដែរនោះ នឹងស្ថិតក្នុងជម្រើស១១នាក់ដំបូងវិញដូចគ្នាយប់នេះ។

ដូច្នេះជម្រើស១១នាក់របស់ Juventus អាចជា៖ Szczesny; Cancelo, Bonucci, Chiellini, Sandro; Bentancur, Pjanic, Matuidi; Dybala, Mandzukic និង Ronaldo ។

ប្រវត្តិប៉ះគ្នា៖

ក្រុមទាំងពីរធ្លាប់ប៉ះគ្នាចំនួន ៨ លើករួចមកហើយគិតចាប់ឆ្នាំ១៩៩៦ ដល់ ២០០៣។ ប៉ុន្តែលើកនេះជាជំនួបដំបូង ក្រោយពេល Manchester United យកឈ្នះ Juventus ៣-០ នៅទឹកដីរបស់ Juventus កាលពី១៥ឆ្នាំមុន។

ព្យាករ៖ Manchester United ១-១ Juventus