ហួស​ចិត្ត ពេល​ដឹង​​រឿង​រ៉ាវ​​ពី​អក្សរ "S" និង "R” លើ​ iPhone XS/XR

  • 2018-10-24 04:31:17
  • ចំនួនមតិ 0 | ចំនួនចែករំលែក 0

ចន្លោះមិនឃើញ

​ក្នុង​កិច្ច​សម្ភាសន៍​ជា​មួយ​សារព័ត៌មាន​​ Engadget ​លោក​ Phil Schiller បាន​លើក​ឡើង​ថា​​អក្សរ "R” ឬ "S” ដែល​ Apple ជ្រើស​ប្រើ​ប្រាស់​លើ​ផលិត​របស់​ខ្លួន មិន​មាន​អត្ថន័យ​អ្វី​ទាំង​អស់។

យ៉ាងណាក្ដី​លោក​ Phil ដែល​ជា​អនុប្រធាន​ទីផ្សារ​របស់​ Apple បាន​បក​ស្រាយ​​ពី​អត្ថន័យ​នៃ​អក្សរ​ទាំង​នេះ ចំពោះ​​​រូប​លោក​ផ្ទាល់។ លោក​បាន​បកស្រាយ​ថា ៖ "ខ្ញុំ​ជា​មនុស្ស​ចូល​ចិត្ត​រថយន្ត និង​អ្វី​ដែល​លឿន ហើយ​ R និង S ត្រូវ​បាន​ប្រើ​ប្រាស់​លើ​​រថយន្ត​ស្ព័រ​មួយ​ចំនួន​ដែល​មាន​​លក្ខណៈ​ពិសេស​បំផុត”។

ដោយ​ឡែក​នៅ​ពេល​ដែល​ Apple ប្រកាស​ចេញ iPhone 3Gs អនុប្រធាន​ខាង​លើ​បាន​​បក​ស្រាយ​ថា​អក្សរ "S” តំណាង​​ឲ្យ​ពាក្យ​ថា "Speed” (មាន​ន័យ​ថា​ល្បឿន) ដោយ​សារ​ជា​ iPhone លឿន​ជាង​គេ​ដែល Apple បាន​ផលិត។

​​​​​​លោក Tim Cook ឯណោះ​វិញ​ក៏​ធ្លាប់​បាន​និយាយ​ពី​អត្ថន័យ​អក្សរ "S” ​ដែល​ប្រើ​លើ iPhone 4s ដោយ​​ថា​​តំណាង​ឲ្យ​ពាក្យ​ "Siri”។ ប៉ុន្តែ​នៅ​ឆ្នាំ ២០១៣ ពេល​ iPhone 5s និង iPhone 5c ប្រកាស​ចេញ Apple លែង​បក​ស្រាយ​ពី​អត្ថន័យ​នៃ​អក្សរ​​នេះ​ត​ទៀត បន្ត​​រហូត​ដល់​បច្ចុប្បន្ន​នេះ៕

ចុចអាន៖


ប្រភព៖ The Verge   ប្រែ​សម្រួល៖ សុខហេង