កម្មវិធីពាក់កណ្តាលម៉ារ៉ាតុង ទិវាសត្វផ្សោតទន្លេមេគង្គ ចាប់ផ្ដើមស្អែកនេះ

2018-10-25 06:44:28
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធីរត់ពាក់កណ្តាលម៉ារ៉ាតុង ក្នុងទិវាសត្វផ្សោតទន្លេមេគង្គ ប្រព្រឹត្តទៅនាថ្ងៃទី២៦ តុលា ស្អែកនេះនៅកណ្តាលក្រុងក្រចេះខេត្តក្រចេះ។

គោលបំណងសំខាន់នៃការរត់ប្រណាំងនេះគឺដើម្បីរួមចំណែកក្នុងកិច្ចការពារសត្វផ្សោតទន្លេមេគង្គ ព្រោះសត្វផ្សោតទន្លេមេគង្គឆ្លុះបញ្ចាំងពីសុខុមាលភាពទន្លេមេគង្គ សត្វផ្សោតហែលក្នុងទន្លេ ត្រីឋិតថេរ ទេសចរកើនឡើង។ កើនផ្សោត កើនជីវភាព។

លោកស្រី ប៊ុត ចាន់មេត្តា មន្រ្តីផ្នែកទំនាក់ទំនងរបស់អង្គការ WWF បានឱ្យដឹងថាៈ ការចុះឈ្មោះរត់ប្រណាំងនេះមិនមានបង់ប្រាក់ទេ ថែមទាំងទទួលបានអាវយឺត និងដបទឹក ដ៍ស្រស់ស្អាតមួយផងដែរសម្រាប់អ្នករត់ដល់ទី ៣៥០នាក់ដំបូង។ ចំពោះចំនួនចូលរួមមិនមានកំណត់នោះទេ បងប្អូនប្រជាពលរដ្ឋខ្មែរទូទាំងប្រទេសដែលស្រលាញ់ចូលចិត្តសត្វផ្សោត និងបរិស្ថានធម្មជាតិអាចចូលរួមបានគ្រប់គ្នា។

កម្មវិធីចាប់ផ្តើមនៅវេលាម៉ោង ៣រសៀល រហូតដល់ម៉ោង ១០យប់ ដោយមានអមជាមួយកម្មវិធី លេងហ្គេមសប្បាយៗ និងកម្មវិធី សំណួរចម្លើយ ការប្រគំតន្ត្រីសម័យ សិល្បៈចាប៉ីដងវែង និង ការតាំងពីពណ៌ផលិតផលសហគមន៍។ ទីតាំងប្រារព្ធកម្មវិធីគឺនៅ បឹងកាឡូជាប់សាលាខេត្តក្រចេះ៕

អត្ថបទ៖ មុន្នីរម្យ