ធ្លាយដំណឹងថ្មីពី Galaxy S10 អ្នកគាំទ្រដឹងច្បាស់ជាញញឹមខ្ជឹប

2018-10-27 07:26:46
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃសុក្រ សារព័ត៌មាន Bloomberg បានចុះផ្សាយដំណឹងថ្មីមួយចំនួនទាក់ទងនឹង Galaxy S10 ដែលមាននិយាយពីចំណុចពិសេសៗមួយចំនួន។

Galaxy S10 មានឈ្មោះហៅក្រៅថា "Beyond” ដែលមានបំពាក់នូវកាមេរ៉ាខាងក្រោយចំនួន ៣ គ្រាប់ និងមានកាមេរ៉ាខាងមុខបង្កប់ក្រោមផ្ទៃអេក្រង់ទៀតផង។ ការបង្កប់កាមេរ៉ាក្រោមផ្ទៃអេក្រង់នេះ អាចឲ្យ Samsung បំពាក់អេក្រង់លាតពេញផ្ទៃលើ Galaxy S10 បាន ដោយមិនចាំបាច់ធ្វើឲ្យអេក្រង់ឆកដូច iPhone X នោះឡើយ។

បន្ថែមពីនេះ Galaxy S10 ក៏នឹងមានទ្រនាប់ស្កេនម្រាមដៃក្រោមផ្ទៃអេក្រង់ ដែល Samsung គ្រោងបំពាក់តាំងពីនៅលើ Galaxy Note 9 មកម្ល៉េះ។ Samsung នឹងប្រកាសចេញ Galaxy 10 បីប្រភេទ ដោយមានមួយប្រភេទមានតម្លៃធូរថ្លៃ មិនមានអេក្រង់កោង ឬទ្រនាប់ស្កេនម្រាមដៃក្រោមអេក្រង់នោះទេ។

Bloomberg ក៏បានបញ្ជាក់ដែរថា Samsung កំពុងពិភាក្សាជាមួយក្រុមហ៊ុនផ្ដល់សេវាទូរសព្ទ Verizon ដើម្បីលក់ Galaxy S10 ដែលអាចប្រើជាមួយ 5G បាន៕