BTS និង Charlie Puth ចាប់ដៃគ្នាសម្ដែងជាពិសេសក្នុងកម្មវិធីពានរង្វាន់ MGA ឆ្នាំ ២០១៨
- 2018-10-29 03:23:04
- ចំនួនមតិ 0 | ចំនួនចែករំលែក 0
BTS និង Charlie Puth ចាប់ដៃគ្នាសម្ដែងជាពិសេសក្នុងកម្មវិធីពានរង្វាន់ MGA ឆ្នាំ ២០១៨
ចន្លោះមិនឃើញ
ក្រុមចម្រៀង BTS នឹងសហការគ្នាជាមួយតារាចម្រៀង Charlie Puth ធ្វើការប្រគំតន្ត្រីជាពិសេសនៅឯកម្មវិធីពានរង្វាន់ MBC Plus X Genie Music Awards (MGA) ឆ្នាំ ២០១៨។
នៅថ្ងៃទី ២៩ ខែតុលានេះ អ្នករៀបចំកម្មវិធីពានរង្វាន់ MGA ឆ្នាំ ២០១៨ បានធ្វើការប្រកាសថា ក្រុម BTS និងតារាចម្រៀង Chalie Puth នឹងធ្វើការប្រគំតន្ត្រីជាពិសេសមួយជាមួយគ្នានៅក្នុងកម្មវិធីដ៏ធំមួយនេះក្នុងពេលឆាប់ៗខាងមុខនេះ។ បើតាមអ្នកតំណាងម្នាក់បានបញ្ជាក់ថា៖ "ក្រុម BTS និងតារាចម្រៀង និងជាអ្នកនិពន្ធសញ្ជាតិអាមេរិក Charlie Puth បានត្រៀមខ្លួនអង្រួនឆាកប្រគំតន្ត្រីក្នុងកម្មវិធី MGA ឆ្នាំ ២០១៨នេះ"។
គួរបញ្ជាក់ដែរថា ការប្រគំតន្ត្រីពិសេសពីសំណាក់តារាចម្រៀង Charlie Puth និងក្រុម BTS នេះ នឹងត្រូវធ្វើឡើងនៅថ្ងៃទី ០៦ ខែវិច្ឆិកា ឆ្នាំ២០១៨នេះ នៅឯពហុកីឡដ្ឋាន Namdong Gymnasium ក្នុងតំបន់ Incheon៕