អត្ថន័យពាក្យមួយចំនួន Gamer និយមប្រើ

2018-10-31 06:59:54
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកលេងហ្គេម (Gamer) ភាពច្រើននិយមប្រើពាក្យកាត់ ដើម្បីអាចផ្ដល់ដំណឹងដល់ដៃគូក្នុងហ្គេមបានលឿន។ ខាងក្រោមនេះជាអត្ថន័យនៃពាក្យកាត់មួយចំនួន ដែលអ្នកលេងហ្គេមឧស្សាហ៍ប្រើប្រាស់ ៖

AFK ៖ មកពីពាក្យថា Away From Keybaord។ Gamer ប្រើពាក្យ AFK ដើម្បីបញ្ជាក់ថារូបគេមិនបានលេងហ្គេមនោះទេ គ្រាន់តែបើកហ្គេមចោលប៉ុណ្ណោះ។
GLHF ៖ មកពីពាក្យ Good Luck Have Fun ប្រើនៅពេលចាប់ផ្ដើមលេងហ្គេម ដែលមានន័យថាសំណាងល្អ លេងឲ្យសប្បាយចុះ។
BRB ៖ មកពីពាក្យថា Be Right Back មានន័យថានឹងត្រឡប់មកលេងវិញឆាប់ៗ។
TLDR ៖ មកពីពាក្យថា Too long, didn't read មានន័យថា សរសេរវែងពេកខ្ជិលអាន។
Lag ៖ មានន័យថាបញ្ហាអ៊ីនធឺណិតធ្វើឲ្យហ្គេមដើរយឺត ហើយនេះជាលេសដែលអ្នកចាញ់ហ្គេមឧស្សាហ៍ប្រើជាងគេ។
Pro ៖ អ្នកដែលមានទឹកដៃខ្លាំងក្នុងការលេងហ្គេម ឬមានបទពិសោធន៍យូរឆ្នាំ។

- Noob ឬ Newbie ៖ ចង់សំដៅលើអ្នកលេងម្នាក់ណាដែលមានទឹកដៃមិនល្អ ឬ សំដៅលើអ្នកដែលទើបលេងហ្គេមថ្មីៗ។

Trolling ៖ មានន័យថាការធ្វើអាកប្បកិរិយាប្លែកៗក្នុងហ្គេម ហើយទង្វើ Trolling នេះមិនសូវមានអ្នកពេញចិត្តប៉ុន្មានឡើយ។
Feed ៖ ពាក្យនេះនិយាយឲ្យ Gamer ណាដែលស្លាប់ច្រើនលើកជាងគេក្នុងហ្គេម ដោយគ្មានការប្រុងប្រយ័ត្ន។
Farming ៖ មានន័យថាការរកលុយដើម្បីទិញរបស់របរ ដូចជាវាយសត្វក្នុងជំរំជាដើម៕