នាំឲ្យស្គាល់តារាល្បី ៤ រូប ក៏ងប់ងុលខ្លាំងជាមួយការលេងហ្គេម PUBG

2018-11-01 12:38:02
ចំនួនមតិ 0 | ចំនួនចែករំលែក 0

ចន្លោះមិនឃើញ

នាមជាតារាល្បីប៉ុន្តែទម្លាប់នៃជីវិតរស់នៅប្រចាំថ្ងៃមួយផ្នែកតូចក៏មិនខុសពីមនុស្សសាមញ្ញឯទៀត។ ជាពិសេសក្នុងពេលទំនេរពីអាជីព អ្នកខ្លះក៏ប្រើពេលកម្សាន្តលេងវីដេអូហ្គេមហើយ PlayerUnknown's Battlegrounds ក៏ជាហ្គេមពេញនិយមក្នុងក្រសែភ្នែករបស់បុគ្គលល្បីទាំងនោះផងដែរ។ ខាងក្រោមបង្ហាញឲ្យស្គាល់តារាល្បី ៤ រូបដែលបានលេង PUBG។

៤.Demetrious Johnson:

Johnson ត្រូវបានស្គាល់ជាអ្នកប្រយុទ្ធអាជីព MMA មួយរូប ដោយឆ្លៀតពេលទំនេរបុរសសញ្ជាតិអាមេរិករូបនេះក៏តែងតែធ្វើការផ្សាយផ្ទាល់ការលេងហ្គេម PUBG។ អ្វីដែលលោកចូលចិត្តបំផុតនោះគឺបានលេងជាមួយក្រុមអ្នកគាំទ្រ និងការជជែកកម្សាន្តពីនេះពីនោះទាក់ទងនឹងហ្គេម។

៣.Deadmau5:

DJ ដ៏ល្បីឈ្មោះ Deadmau5 ក៏ជាអ្នកគាំទ្រពេញទំហឹងមួយរូបរបស់ហ្គេម PUBG។ កន្លងទៅលោកត្រូវបានប្រទះឃើញធ្វើការផ្សាយបន្តផ្ទាល់ជានិច្ចកាលជាមួយបុគ្គលល្បីឈ្មោះ Michael “Shroud” Grzesiek។

២.Neymar:

ខ្សែប្រយុទ្ធឆ្នើមឲ្យក្លឹប PSG ក៏ដូចជាក្រុមជម្រើសជាតិប្រេស៊ីល ពេលទំនេរពីការប្រកួតឬហ្វឹកហាត់លើទីលាន លោកក៏ចូលចិត្តលេងហ្គេម PUBG ដោយធ្លាប់ស្នើឲ្យក្រុមហ៊ុន PUBG Corp ផ្តល់ជូនលោកនូវ Sever ដាច់ដោយឡែកតែម្នាក់ឯងថែមទៀតផង ប៉ុន្តែមិនទាន់មានការឆ្លើយតបនៅឡើយ។

១.Terry Crews:

ជាបុរសមានទេពកោសល្យពហុជំនាញ ប៉ុន្តែការលេងហ្គេមក៏ជាចំណង់ចំណូលចិត្តដ៏ធំមួយរបស់បុរសវ័យ ៥០ ឆ្នាំ។ លោកចាប់ផ្តើមលេង PUBG នៅពេល YouTuber ល្បីឈ្មោះ JayzTwoCents បានប្រគល់ជូននូវកុំព្យូទ័រ Gaming មួយគ្រឿងដល់លោក។

ប្រភព: https://www.dbltap.com/posts/6133882-4-biggest-celebrities-who-play-pubg?fbclid=IwAR17oJoJ1EoXhsQYKEtI9zC5QQa6qqKAzD8pcFXpl0OYSxtT3VcDjo5SCm0