Mourinho បកស្រាយរឿងអបអរឌឺអ្នកគាំទ្រ Juventus យប់មិញ
- 2018-11-08 01:05:47
- ចំនួនមតិ 0 | ចំនួនចែករំលែក 0
Mourinho បកស្រាយរឿងអបអរឌឺអ្នកគាំទ្រ Juventus យប់មិញ
ចន្លោះមិនឃើញ
United បានស៊ុតបញ្ចូលទី២គ្រាប់នៅ៥នាទីចុងក្រោយដើម្បីវាយបកយកឈ្នះ Juventus ក្នុងការប្រកួត Champions League វគ្គសន្សំពិន្ទុពូល H កាលពីយប់មិញ។
Ronaldo ដែលជាអ្នកស៊ុតឲ្យម្ចាស់ផ្ទះនាំមុខនៅនាទី៦៥នោះ បានអបអរដោយលាត់អាវចេញសាច់ដុំពោះ៦កង់របស់ខ្លួនចំពោះមុខអ្នកគាំទ្រ ប៉ុន្តែភាពរីករាយបានបាត់ទៅវិញនៅពេលដែល Mata ស៊ុត Free Kick តាមស្មើនាទី៨៦ និង Lobo Silva ធ្វើឲ្យបាល់ចូលទីខ្លួនឯងនៅនាទី៨៩។
មិនខុសពី Ronaldo នៅចប់ការប្រកួតហើយទទួលជ័យជម្នះ Jose Mourinho ឯណេះវិញបានបង្ហាញកាយវិការទៅអ្នកគាំទ្រម្ចាស់ផ្ទះដោយយកដៃដាក់ក្បែរត្រចៀកធ្វើមុខឌឺ។ យ៉ាងណាលោកបកស្រាយថាការអបអររបស់ខ្លួនមិនធ្ងន់ធ្ងរនោះទេ។
"នៅក្នុងទីក្រុងអ៊ីតាលីដ៏ស្រស់ស្អាត អ្នកគាំទ្របានស្រែកជេរខ្ញុំសឹងពេញ៩០នាទី តែខ្ញុំមិនបានជេរទៅវិញទេ ខ្ញុំគ្រាន់តែធ្វើកាយវិការតបតបន្តិចបន្តួច។ ខ្ញុំគោរព Juventus ខ្ញុំគោរពកីឡាករ និងអ្នកចាត់ការរបស់គេ។ ខ្ញុំពិតជាមានមោទនភាពជាមួយកីឡាកររបស់ខ្ញុំនៅថ្ងៃនេះ"។ Mourinho និយាយដូច្នេះ៕