ចុងខែនេះ បើពលរដ្ឋខេត្តព្រះសីហនុ ឃើញអណ្ដាតភ្លើងខ្មួលខ្មាញ់ សំឡេងផ្ទុះ សូមកុំភ្ញាក់ផ្អើល
- 2018-11-08 03:56:52
- ចំនួនមតិ 0 | ចំនួនចែករំលែក 0
ចុងខែនេះ បើពលរដ្ឋខេត្តព្រះសីហនុ ឃើញអណ្ដាតភ្លើងខ្មួលខ្មាញ់ សំឡេងផ្ទុះ សូមកុំភ្ញាក់ផ្អើល
ចន្លោះមិនឃើញ
នៅថ្ងៃទី៣០ ខែវិច្ឆិកា ឆ្នាំ២០១៨ ខាងមុខនេះ អាកាសយានដ្ឋានអន្តរជាតិខេត្តព្រះសីហនុ មានរៀបចំលំហាត់ធ្វើសមយុទ្ធទ្រង់ទ្រាយធំ គ្រប់គ្រងគ្រោះអាសន្នប្រចាំឆ្នាំ សំដៅធ្វើការហ្វឹកហ្វឺនសាកល្បង ដល់អាជ្ញាធរដែនដី ភ្នាក់ងារនានា ដែលមានការពាក់ព័ន្ធ ដើម្បីជាបទពិសោធន៍លើការជួយសង្គ្រោះជនរងគ្រោះ នៅពេលមានគ្រោះមហន្តរាយ ដែលកើតឡើងជាយថាហេតុនៅក្នុង ឬជុំវិញបរិវេណអាកាសយានដ្ឋានអន្តរជាតិ ខេត្តព្រះសីហនុ។
នៅក្នុងការធ្វើសមយុទ្ធទ្រង់ទ្រាយធំនេះ នឹងមានដុតប្រេង និងកង់ឡានចាស់ៗ បង្កើតបានជាអណ្ដាតភ្លើង និងផ្សែងខ្មួលខ្មាញ់ ជាសិប្បនិម្មិត ប្រធានបទនៃការធ្លាក់យន្តហោះ។ ការធ្វើសមយុទ្ធនេះ មានការប្រកាសអាសន្នដល់អាជ្ញាធរដែនដី ភ្នាក់ងារនានា នៅជុំវិញខេត្តព្រះសីហនុដូចជា៖ កងកម្លាំងប្រដាប់អាវុធ កងនគរបាលខេត្ត ក្រុមសង្គ្រោះជនរងគ្រោះ របស់មន្ទីរពេទ្យនានា រថយន្តពន្លត់អគ្គិភ័យ។
ដូច្នេះសូមប្រជាពលរដ្ឋដែលរស់នៅជុំវិញបរិវេណអាកាសយានដ្ឋានអន្តរជាតិខេត្តព្រះសីហនុ សូមកុំមានការភ័ន្តច្រឡំ និងមានការភ្ញាក់ផ្អើលចំពោះសមយុទ្ធនេះ៕