អេហ្ស៊ីបកំពុងពិចារណាហាមឃាត់ការពាក់ស្បៃមុខ ព្រោះហេតុផលមួយ

2018-11-09 07:15:31
ចំនួនមតិ 0 | ចំនួនចែករំលែក 0

ចន្លោះមិនឃើញ

រដ្ឋាភិបាលប្រទេសអេហ្ស៊ីប កំពុងពិចារណាចេញច្បាប់ហាមឃាត់ការពាក់ស្បៃមុខក្នុងទីសាធារណ ខណៈអ្នកល្មើសអាចនឹងត្រូវពិន័យធ្ងន់ធ្ងរ។

យោងតាមរបាយការណ៍របស់ Jerusalem Post ឲ្យដឹងថា ស្ត្រីដែលពាក់ស្បៃគ្របមុខជិត អាចនឹងត្រូវពិន័យជាប្រាក់រហូតដល់ ៥៦ដុល្លារ។ ការហាមឃាត់នេះ ធ្វើឡើងនៅទីសាធារណដូចជាមន្ទីរពេទ្យ, គ្លីនិក, សាលារៀន, រោងកុន និងសារមន្ទីរផ្សេងៗ។ សេចក្ដីព្រាងច្បាប់នេះ កំពុងត្រូវបានពិចារណាក្នុងគោលបំណងប្រយុទ្ធប្រឆាំងនឹងក្រុមអ៊ីស្លាមនិយមដឹកនាំដោយក្រុម ISIS ដែលបើកការវាយប្រហារនៅក្នុងទីក្រុង។

អ្នកវិភាគនយោបាយម្នាក់ បាននិយាយថាស្បៃមុខនេះបង្កើតឲ្យមានបញ្ហាសន្តិសុខខណៈដែលក្រុមភេរវករទាំងប្រុស និងស្រីប្រើវាដើម្បីលាក់អត្តសញ្ញាណរបស់ពួកគេដើម្បីចូលទៅកន្លែងផ្សេងៗមុនបើកការវាយប្រហារ។ ទោះយ៉ាងណាក៏ដោយ ការហាមប្រាមនេះ នឹងមិនរំលោភលើសេរីភាពឬប្រឆាំងនឹងសាសនាទេ ព្រោះច្បាប់អ៊ីស្លាមមិនបានបង្ខំឱ្យស្ត្រីត្រូវតែពាក់ស្បៃមុខនោះទេ៕