កម្មវិធីទូរទស្សន៍ជប៉ុន លុបចោលវត្តមានរបស់ BTS ដោយសារអាវរូបគ្រាប់បែកបរមាណូ
- 2018-11-10 06:14:59
- ចំនួនមតិ 0 | ចំនួនចែករំលែក 0
កម្មវិធីទូរទស្សន៍ជប៉ុន លុបចោលវត្តមានរបស់ BTS ដោយសារអាវរូបគ្រាប់បែកបរមាណូ
ចន្លោះមិនឃើញ
កម្មវិធីទូរទស្សន៍មួយរបស់ប្រទេសជប៉ុន ត្រូវបានលុបចោលវត្តមានក្រុមចម្រៀង BTS ក្នុងកម្មវិធីរបស់ពួកគេ ដោយសារតែមានបញ្ហារិះគន់ និងប្រតិកម្មខឹងសម្បារលើអាវរូបគ្រាប់បែកបរមាណូដែលបានពាក់ដោយសមាជិកម្នាក់របស់ក្រុមចម្រៀងដ៏ល្បីមួយនេះ។
រូបភាពរបស់តារាចម្រៀង Jimin ពាក់អាវយឺតមួយដែលមានរូបភាពការបំផ្ទុះគ្រាប់បែកបរមាណូរបស់សហរដ្ឋអាមេរិកទៅលើទីក្រុងរបស់ប្រទេសជប៉ុន ដែលបានសម្លាប់ជីវិតមនុស្សរាប់រយ រាប់ពាន់នាក់នោះ កំពុងត្រូវបានចែកចាយពាសពេញបណ្ដាញសង្គម។ រូបភាពមួយនេះដែរ បានធ្វើឲ្យអ្នកគាំទ្រជនជាតិជប៉ុនមួយចំនួនមានការខឹងសម្បារជាខ្លាំង ដោយពួកគេអះអាងថានេះគឺជាទង្វើមើលងាយមួយមកលើប្រទេសរបស់ខ្លួន។
ក្រោយទទួលបានប្រតិកម្មអវិជ្ជមានច្រើនខ្លាំងបែបនេះ ការសម្ដែងរបស់ក្រុមចម្រៀង BTS ទាំងមូលដែលត្រៀមខ្លួននឹងបង្ហាញវត្តមានលើកម្មវិធីទូរទស្សន៍ TV Asahi's Music Station នៅថ្ងៃទី០៩ ខែវិច្ឆិកា ត្រូវបានលុបចោលទៅវិញ ដោយខាងស្ថានីយទូរទស្សន៍កំពុងពិភាក្សាគ្នា ថាក្រុមចម្រៀងមួយនេះ អាចនឹងមានវត្តមានសម្ដែងក្នុងកម្មវិធីមួយនេះ នៅថ្ងៃមុខឬក៏យ៉ាងណានោះទេ ៕