Nasri អាចនឹងត្រលប់មក Premier League វិញជាមួយក្លឹបមួយក្នុងទីក្រុងឡុងដ៏
- 2018-11-13 02:17:37
- ចំនួនមតិ 0 | ចំនួនចែករំលែក 0
Nasri អាចនឹងត្រលប់មក Premier League វិញជាមួយក្លឹបមួយក្នុងទីក្រុងឡុងដ៏
ចន្លោះមិនឃើញ
អតីតជម្រើសបារាំងកីឡាករ Samir Nasri កំពុងធ្វើតេស្ដពិនិត្យសុខភាពជាមួយក្លឹប West Ham មុនពេលធ្វើការស្នើសុំផ្លូវការផ្ទេរមកក្លឹបក្នុងទីក្រុងឡុងដ៏មួយនេះ។
Nasri ត្រូវបានអនុញ្ញាតឲ្យចាប់ផ្ដើមហ្វឹកហាត់ម្ដងទៀតនៅក្នុងខែនេះ បន្ទាប់ពីរួចផុតពីការពិន័យ១៨ខែពីបទប្រើសារធាតុញៀន។ តាមការឲ្យដឹងកីឡាករវ័យ៣១ឆ្នាំដែលជាអតីតកីឡាកររបស់ Arsenal និង Mancherster City នឹងចូលរួមជាមួយ West Ham ៦ខែដំបូងសិន និងអាចពង្រីកបន្ថែមកុងត្រានៅពេលក្រោយទៀត។
Samir Nasri នឹងអាចលេងបាចាប់ពីថ្ងៃទី ១ ខែ មករា ឆ្នាំ ២០១៩ និងអាចចាប់ដៃមួយគ្រូចាស់ Manuel Pellegrini ដែលធ្លាប់នៅជាមួយគ្នានៅ Man City។ Nasri លេងចុងក្រោយឲ្យក្លឹបនៅទួរគី Antalyaspor ប៉ុន្តែកិច្ចសន្យារបស់គេបានផុតតាំងពីថ្ងៃទី ៣១ ខែ មករា ឆ្នាំ ២០១៨។
ក្រោយផុតកុងត្រារយៈពេលមួយខែ Nasriត្រូវជាប់បម្រាមរយៈពេល៦ខែ មិនឲ្យទាក់ទងនឹងបាល់ទាត់ បន្ទាប់ពីមានការស៊ើបអង្កេតលើការព្យាបាលដោយការព្យួរសេរ៉ូមមានផ្ទុកជាតិប៉ូវកម្លាំង ពេលគេនៅទីក្រុង LosAngeles សហរដ្ឋអាមេរិក៕