ចូលមើលបន្ទប់លេងហ្គេមរបស់ Ninja បានដឹងអស្ចារ្យប៉ុណ្ណា

2018-11-13 07:07:28
ចំនួនមតិ 0 | ចំនួនចែករំលែក 0

ចន្លោះមិនឃើញ

Tyler Blevins ដែលមានឈ្មោះហៅក្រៅថា "Ninja" បានបង្ហោះវីដេអូថ្មីមួយបង្ហាញអំពីដំណើរការកែប្រែបន្ទប់មួយទៅជាបន្ទប់ផ្សាយផ្ទាល់ការលេងហ្គេមបែបអ្នកជំនាញ ដែលមានបំពាក់ឧបករណ៍ជាច្រើនមុខ។

បន្ទប់ថ្មីនេះត្រូវបានបង្កើតឡើងដោយមានការចូលរួមពីក្រុមហ៊ុន Red Bull និង Roundhouse ដោយជាបន្ទប់ក្នុងផ្ទះរបស់ Ninja ផ្ទាល់។ ក្នុងបន្ទប់នេះដែរមានបំពាក់ដោយភ្លើង LED អាចប្ដូរពណ៌បាន, មានបំពាក់ Monitor និងទូរទស្សន៍ធំៗជាច្រើន, តុសម្រាប់វិភាគ, កាមេរ៉ា Blackmagic បួនគ្រាប់សម្រាប់ផ្សាយផ្ទាល់វីដេអូគុណភាពខ្ពស់ និងឧបករណ៍ស្រូបសំឡេងគុណភាពខ្ពស់ជាដើម។

Red Bull មិនបានប្រាប់ថាការឌីហ្សាញបន្ទប់នេះត្រូវចាយអស់ប៉ុន្មាននោះទេ ប៉ុន្តែគេដឹងថាសម្ភារៈដែលប្រើក្នុងបន្ទប់នេះមានតម្លៃលើសពី ២ ម៉ឺនដុល្លារ។ ទស្សនាវីដេអូលម្អិតខាងក្រោម ៖

គួរដឹងថាកាលពីដើមឆ្នាំ Ninja បានក្លាយជាអ្នកផ្សាយផ្ទាល់ការលេងហ្គេមដំបូងគេមាន Follower រហូតដល់ ១០ លាននាក់លើបណ្ដាញ Twitch ហើយគណនី YouTube របស់ Gamer រូបនេះក៏មាន Subscriber ច្រើនដល់ជិត ២០ លាននាក់ផងដែរ។

Ninja ចំណាយពេល ១២ ម៉ោងក្នុងមួយថ្ងៃក្នុងបន្ទប់របស់ខ្លួនដោយអាចរកចំណូលបានដល់ខ្ទង់ ៥០ ម៉ឺនដុល្លារក្នុងមួយខែ ដែលរកបានពីការបរិច្ចាគ និងការចុះឈ្មោះប្រើសេវាកម្ម។ Ninja ក៏មានឱកាសផ្សព្វផ្សាយឲ្យក្រុមហ៊ុនល្បីៗដូចជា Samsung និង Red Bull ជាដើម៕

ចុចអាន៖

ប្រភព៖ Businessinsider ប្រែសម្រួល៖ សុខហេង